Ita hakarak uza edisaun neʼebé fasil atu komprende?

Agora ita iha Livru Haklaken atu estuda neʼebé hakerek iha lia-inglés neʼebé fasil atu komprende. Livru Haklaken neʼe sei ajuda (1) haklaken-naʼin sira neʼebé koʼalia lia-inglés maibé gosta uza liafuan neʼebé fasil ba sira atu komprende tanba dala ruma sira la bá eskola boot; (2) haklaken-naʼin neʼebé nia língua primeiru laʼós inglés; (3) joven no labarik sira neʼebé aprende lia-inglés iha eskola, no (4) estudante Bíblia sira neʼebé hakarak aprende lia-loos iha dalan neʼebé fasil atu komprende.

Parágrafu nia númeru, pergunta no subtítulu hanesan nafatin ho Livru Haklaken baibain. No lisaun neʼebé estuda mós hanesan, maibé liafuan deʼit mak halo fasil atu komprende. Maski irmaun neʼebé dirije estuda Livru Haklaken no irmaun neʼebé lee uza edisaun baibain, maibé rona-naʼin neʼebé uza edisaun neʼebé fasil bele haree katak eskritura no dezeñu sira mak hanesan deʼit. Entaun, sira mós bele hola parte hodi tuir informasaun iha sira-nia Livru Haklaken no fó komentáriu.

Se ita hakarak uza edisaun iha lia-inglés neʼebé fasil atu komprende, bele koʼalia ho irmaun neʼebé tau matan revista sira hodi hameno.