Avizu

◼ Livru neʼebé fahe iha fulan-Marsu no Abríl: Livru Haklaken. Kuandu vizita fali ema, bele fahe livru Bíblia Hanorin ka, se uma-naʼin ladún hatene lee bele fó ba nia broxura Rona ba Maromak ka Rona ba Maromak hodi Hetan Moris ba Nafatin no koko atu komesa estudu Bíblia. Fulan-Maiu no Juñu: Kongregasaun sei fahe tratu sira hanesan: Terus hotu Besik ona atu Ramata!, Moris iha Mundu Foun neʼebé Hakmatek, no Moris Haksolok iha Família Laran. Se uma-naʼin hatudu interese, hatudu oinsá atu estuda Bíblia hodi uza livru Bíblia Hanorin, ka broxura Rona ba Maromak ka Rona ba Maromak hodi Hetan Moris ba Nafatin.

◼ Ita sei komemora Memoriál iha loron-tersa 26 Marsu 2013. Se ita-nia kongregasaun baibain halaʼo reuniaun iha loron-tersa, presiza halaʼo reuniaun iha loron seluk iha semana neʼe. Dala ruma kongregasaun balu uza Reuniaun-Fatin ida deʼit no sira la bele troka sira-nia reuniaun ba loron seluk. Se la bele duni halaʼo Reuniaun Serbisu iha semana neʼe, katuas koordenadór bele muda diskursu neʼebé importante liu ba semana seluk iha fulan neʼe nia laran. Kongregasaun neʼebé simu vizita husi katuas área nian sei muda reuniaun neʼebé baibain halaʼo iha loron-tersa ba loron seluk iha semana neʼe nia laran.