Uza ita-nia sítiu atu hanorin oan
1. Tansá mak ita-nia sítiu iha parte “Anak-Anak”?
1 Ita-nia organizasaun halo sítiu jw.org ba ita hotu, husi kiʼik toʼo boot. Sítiu neʼe iha parte “Anak-Anak” (klik “Ajaran Alkitab”, tuirmai “Anak-Anak”), no ida-neʼe sei ajuda labarik ho inan-aman atu hametin sira-nia relasaun ba malu no ba Jeová. (Deuteronômio [Ulangan] 6:6, 7) Oinsá mak ita bele uza informasaun neʼe atu hanorin ita-nia oan sira?
2. Oinsá mak ita bele hili informasaun neʼebé tuir ita-nia oan nia tinan?
2 Uza tuir oan sira-nia presiza: Klaru katak labarik ida-idak la hanesan. (1 Korinto 13:11) Oinsá mak Ita bele hili informasaun neʼebé diʼak ba Ita-nia oan? Husu ba Ita-nia an: ‘Haʼu-nia oan gosta informasaun ka atividade saida? Sira komprende lia-loos toʼo iha neʼebé? Sira tau atensaun ba buat ida durante minutu hira?’ Ba labarik sira ho tinan tolu ba kraik, ita bele uza informasaun husi “Pelajaran Alkitabku”. Família balu gosta istória iha parte “Ajarlah Anak Anda”. Mai ita hare buat seluk tan neʼebé ita bele halo.
3. Oinsá mak ita bele uza “Proyek Ibadat Keluarga”?
3 Adorasaun Família nian: “Proyek Ibadat Keluarga” sei ajuda inan-aman atu estuda ho oan sira. Hodi hetan matadalan kona-ba oinsá atu uza informasaun sira, ita bele klik “Unduh” ba “Panduan bagi Orang Tua”. Porezemplu, nuʼudar oan ho tinan kiʼik pinta dezeñu, ita bele hanorin lisaun ba sira. Ita mós bele ajuda oan joven atu halo kompletu sira-nia riset. Maski oan ida-idak halo atividade oioin, maibé buat sira-neʼe hotu mak kona-ba istória ka lisaun ida deʼit, tan neʼe, sira neʼebé kiʼik toʼo boot hotu bele hola parte iha projetu neʼe.
4. Ita bele hetan saida deʼit husi parte “Menjadi Sahabat Yehuwa”?
4 Sai Jeová nia belun: Vídeo, knananuk, no atividade sira iha parte “Menjadi Sahabat Yehuwa” mós ajuda inan-aman atu hanorin Maromak nia Liafuan ba oan sira ho tinan kiʼik. (Deuteronômio [Ulangan] 31:12) Vídeo badak sira-neʼe hanorin lisaun importante tebes. Atividade hanesan buka buat oioin iha dezeñu mós ajuda sira atu aprende lisaun neʼebé importante. Labarik sira mós gosta knananuk sira neʼebé ita kanta iha reuniaun no mós knananuk ba labarik sira neʼebé ita bele hetan husi ita-nia sítiu. Kanta knananuk hanesan neʼe sei ajuda sira atu hanoin-hetan buat neʼebé sira aprende.
5. Tanbasá mak inan-aman presiza husu Jeová atu ajuda hanorin lia-loos ba oan sira?
5 Inan-aman sira, Maromak Jeová hakarak imi atu kumpre imi-nia knaar ho didiʼak. Tan neʼe, husu Jeová atu ajuda hanorin lia-loos ba imi-nia oan sira. (Juízes [Hakim-Hakim] 13:8) Ho Jeová nia ajuda, ita bele hanorin ita-nia oan sira “atu hetan maksoin husi fiar iha Kristu Jesus”.—2 Timoteo 3:15; Provérbios (Amsal) 4:1-4.