Ajuda sira atu sai ‘makaʼas liután iha fiar’

Ita hotu kontente tebes atu haree oinsá Jeová fó bensaun ba ita-nia serbisu koʼa nian, tanba tinan-tinan ema naʼin-250.000 liu hetan batizmu. (Deuteronômio [Ulangan] 28:2) Kuandu haklaken-naʼin ida ajuda ona estudante atu hetan batizmu, dala ruma haklaken-naʼin neʼe sei hapara estuda neʼe hodi ajuda ema seluk. No dala ruma estudante mós hakarak hapara estuda hodi uza tempu barak liután atu haklaken. Maibé, importante liu ba estudante Bíblia sira atu hetan fiar neʼebé metin liu iha lia-loos. Sira presiza “abut naruk” iha Kristu no sai ‘makaʼas liután iha fiar’. (Koloso 2:6, 7; 2 Timoteo 3:12) Entaun, kuandu estudante ida hetan ona batizmu, importante katak nia kontinua estuda Bíblia toʼo nia halo hotu livru Bíblia Hanorin no livru “Maromak nia Domin”.—Haree Ita-nia Serbisu Kristaun Abríl 2011, pájina 2.