Vizaun neʼebé hametin fiar

9:1-7

Imajina toʼok Jesus nia sentimentu bainhira iha vizaun ida nia rona ninia Aman husi lalehan neʼebé fó sai katak nia hadomi Jesus. Karik neʼe hametin tebes Jesus atu hasoru terus sira. Vizaun neʼe mós hametin Pedro, Tiago, no João hodi fiar katak Jesus mak Mesias duni, no sira la sala atu rona ba Jesus. Maizumenus tinan 32 liutiha, Pedro sei hanoin-hetan esperiénsia neʼe no vizaun neʼe hametin liután ninia fiar ba “profeta sira-nia liafuan”.​—2Pe 1:16-19.

Maski ita rasik la haree vizaun furak neʼe, maibé ita haree daudauk vizaun neʼe sai loos. Jesus ukun daudauk nuʼudar Liurai neʼebé iha kbiit boot. Lakleur tan, nia sei “manán ninia inimigu sira hotu” hodi loke dalan ba mundu foun neʼebé atu mai.​—Apk 6:2.

Haree daudauk Bíblia nia profesia sira sai loos hametin Ita-nia fiar iha dalan saida deʼit?