Hamriik metin nuʼudar loron neʼe besik toʼo mai

TANBASÁ IMPORTANTE: Lakleur tan sei mosu akontesimentu boot neʼebé sei koko ita-nia aten-brani no fiar ba Jeová neʼebé antes neʼe nunka akontese. Terus boot sei hahú kuandu relijiaun falsu hotu lakon ona. (Mt 24:21; Apk 17:16, 17) Durante tempu neʼebá, karik ita sei hatoʼo mensajen tesi-lia nian neʼebé makaʼas. (Apk 16:21) Gog husi rai-Magog sei ataka ita. (Eze 38:10-12, 14-16) Atu defende ninia povu, Maromak Jeová sei hahú “funu iha Maromak neʼebé Kbiit Boot Liu Hotu nia loron boot”. (Apk 16:14, 16) Atu hametin ita-nia fiar ba buat sira neʼebé sei akontese, ita tenke hamriik metin agora kuandu hasoru susar ruma.

OINSÁ ATU HALO IDA-NEʼE:

• Defende no moris tuir Jeová nia morál neʼebé aas.​—Isa 5:20

• Kontinua halibur hamutuk ho maluk fiar-naʼin sira atu adora Jeová.​—Ebr 10:24, 25

• Lalais atu halo tuir matadalan neʼebé mai husi Jeová nia organizasaun.​—Ebr 13:17

• Medita kona-ba oinsá Jeová salva ninia atan sira iha tempu uluk.​—2Pe 2:9

• Halo orasaun ba Jeová, no tau fiar ba nia.​—Sal 112:7, 8

HAREE VÍDEO AKONTESIMENTU IHA FUTURU NEʼEBÉ ITA PRESIZA HASORU HO ATEN-BRANI​—VÍDEO BADAK, DEPOIS HATÁN BA PERGUNTA SIRA TUIRMAI NEʼE:

• 

  Bainhira kongregasaun ida tenke fahe ba rua, oinsá mak ida-neʼe koko haklaken-naʼin sira-nia hahalok halo tuir?

• 

  Oinsá mak aten-brani liga ho hahalok halo tuir?

• 

  Tanbasá presiza duni aten-brani bainhira Armagedon toʼo mai?

• 

  Istória husi Bíblia ida neʼebé mak bele ajuda ita atu hametin ita-nia fiar ba Jeová nia forsa atu salva ita?​—2Kr 20:1-24