Kumpre knaar susar ho espíritu santu nia ajuda

Husi tempu uluk toʼo agora, Maromak nia povu kumpre ona buat barak neʼebé kapás, laʼós ho sira rasik nia forsa, maibé ho Jeová nia ajuda. Iha tinan 1954, Jeová nia organizasaun fó sai filme ho títulu Sosiedade mundu foun nia atividade (The New World Society in Action). Maioria husi sira neʼebé prodús filme neʼe mak irmaun-irmán sira neʼebé serbí iha Betel, neʼebé la iha esperiénsia kona-ba halo filme. Sira konsege kumpre projetu boot neʼe tan deʼit hetan ajuda husi Jeová nia espíritu santu. Neʼe halo ita fiar metin katak se sadere ba Jeová, ita bele hetan susesu atu halaʼo knaar naran deʼit neʼebé ita simu.—Zac 4:6.

HAREE VÍDEO PRODÚS FILME “SOSIEDADE MUNDU FOUN NIA ATIVIDADE”, DEPOIS HATÁN BA PERGUNTA SIRA TUIRMAI:

• Tanbasá mak irmaun sira halo desizaun atu prodús filme kona-ba sede-jerál?

• Oinsá filme neʼe hatudu katak Betel mak hanesan ema nia isin-lolon?—1Ko 12:14-20

• Susar saida deʼit mak irmaun sira hasoru bainhira halo filme, no oinsá mak sira hetan susesu?

• Esperiénsia neʼe hanorin saida mai ita kona-ba Jeová nia espíritu santu?