Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • g19 No. 1 p. 12-15
  • Iha Maromak nia Ukun okos “dame sei sai barak”

La iha video neʼebé bele loke.

Deskulpa, la bele loke vídeo.

  • Iha Maromak nia Ukun okos “dame sei sai barak”
  • Matan-moris bá!—2019
  • Subtítulu
  • Informasaun seluk neʼebé hanesan
  • BAINHIRA MAK MAROMAK NIA UKUN SEI MAI?
  • OINSÁ MAK MAROMAK NIA UKUN SEI UKUN MUNDU TOMAK?
  • OINSÁ MAK ITA BELE HETAN BUAT DIʼAK HUSI UKUN NEʼE?
  • Lia-loos kona-ba Maromak nia Ukun
    Livru Haklaken fó sai Maromak Jeová nia Ukun (Públiku)—2020
  • Saida mak Maromak nia Ukun?
    Tuir Loloos, Saida mak Bíblia Hanorin?
  • Saida mak Jesus hanorin kona-ba Maromak nia Reinu?
    Livru Haklaken fó sai Maromak Jeová nia Reinu—2010
  • Saida mak Maromak nia Ukun?
    Ita Bele Komprende Bíblia!
Haree barak liután
Matan-moris bá!—2019
g19 No. 1 p. 12-15
Ema moris kontente iha Paraízu

OINSÁ MAK SUSAR NEʼE SEI LAKON

Iha Maromak nia Ukun okos “dame sei sai barak”

Lakleur tan Maromak nia Ukun, governu ida neʼebé Maromak harii, sei lori dame no unidade iha mundu tomak hanesan Salmo 72:7 hatete, “dame sei sai barak”. Maibé bainhira mak Maromak nia governu sei ukun mundu tomak? Saida mak Ukun neʼe sei halo? No oinsá mak Ita bele hetan buat diʼak husi Ukun neʼe?

BAINHIRA MAK MAROMAK NIA UKUN SEI MAI?

Bíblia fó sai nanis akontesimentu barak neʼebé hatudu katak lakleur tan Maromak nia Ukun sei toʼo mai. Akontesimentu sira-neʼe mak hanesan “sinál”, no neʼe inklui funu iha mundu tomak, rai-hamlaha, moras oioin, rai-nakdoko barak, no ema barak kontra lei.​—Mateus 24:3, 7, 12; Lucas 21:11; Apokalipse 6:2-8.

Profesia seluk hatete: “Iha loron ikus sira sei iha problema barak neʼebé susar atu tahan. Tanba ema sei hadomi deʼit sira-nia an, hadomi osan, . . . la halo tuir inan-aman, la hatene fó agradese, la hatudu laran-metin, la hadomi malu, la rona malu, koʼalia aat hodi hafoʼer ema seluk nia naran, la kontrola an, siʼak, la hadomi buat neʼebé diʼak . . . foti an, hadomi deʼit ksolok duké hadomi Maromak.” (2 Timóteo 3:1-4) Iha mundu neʼe, sempre iha ema ho hahalok sira-neʼe. Maibé ohin loron, ema barak liu iha hahalok hanesan neʼe.

Profesia sira-neʼe komesa sai loos iha tinan 1914. Istória-naʼin barak, polítiku-naʼin no hakerek-naʼin sira hatete katak mundu nia situasaun troka husi tempu neʼebá. Porezemplu, istória-naʼin naran Peter Munch husi rai-Dinamarka hakerek: “Antes Funu Mundiál iha tinan 1914, ema barak hanoin katak mundu nia kondisaun sei sai diʼak liután, . . . maibé tuir loloos mosu mai tempu neʼebé nakonu ho dezastre, sentimentu taʼuk no odi malu no mós ema hotu la sente seguru.”

Maibé mundu nia situasaun mak sinál katak lakleur Maromak nia governu sei ukun. Tuir loloos, Jesus rasik mós temi buat diʼak ida kuandu nia esplika kona-ba sinál loron ikus nian, nia hatete: “Ema sei haklaken liafuan diʼak kona-ba Maromak nia Ukun iha mundu tomak nuʼudar sasin ba nasaun hotu, depois neʼe, mundu nia rohan sei mai.”​—Mateus 24:14.

Liafuan diʼak neʼe mak sai nuʼudar tema importante husi mensajen neʼebé Testemuña ba Jeová fahe. No Testemuña ba Jeová nia revista ida ho títulu Livru Haklaken fó sai Maromak Jeová nia Ukun koʼalia beibeik kona-ba buat furak oioin neʼebé Maromak nia Ukun sei halo ba ema no mundu.

OINSÁ MAK MAROMAK NIA UKUN SEI UKUN MUNDU TOMAK?

Resposta ba ida-neʼe envolve pontu haat importante tuirmai:

  1. Ukun neʼe sei nunka uza mundu nia polítiku-naʼin sira.

  2. Mundu nia polítiku-naʼin sira sei lakohi entrega sira-nia pozisaun no sira sei kontra hasoru Maromak nia Ukun.​—Salmo 2:2-9.

  3. Maromak nia Ukun sei halakon ukun sira seluk neʼebé hakarak atu domina ema. (Daniel 2:44; Apokalipse 19:17-21) Konflitu boot liu hotu neʼe bolu nuʼudar Armagedon.​—Apokalipse 16:14, 16.

  4. Ema hotu neʼebé apoia Maromak nia Ukun sei moris liu Armagedon no tama ba mundu neʼebé nakonu ho dame. Ema sira-neʼe mak hamutuk rihun ba rihun no sei bolu nuʼudar “ema-lubun boot”.​—Apokalipse 7:9, 10, 13, 14.

    SAIDA MAK UKUN NEʼE SEI HALO?

    Bainhira Jesus iha mundu, nia hatudu ona saida mak nia sei halo nuʼudar Liurai iha Maromak nia Ukun. Nia kura ema moras no defisiente. (Mateus 4:23) Nia fó-han ema rihun ba rihun. (Marcos 6:35-44) Nia mós iha kbiit atu kontrola klima no natureza.​—Marcos 4:37-41.

    Jesus hanorin ema neʼebé halibur haleʼu nia

    Buat neʼebé importante liu hotu, Jesus hanorin oinsá atu moris hamutuk ho dame no unidade. Ema neʼebé ho haraik an aplika Jesus nia hanorin sei haburas hahalok diʼak oioin neʼebé ajuda sira atu moris ho kontente iha Maromak nia Ukun ba nafatin. La iha edukasaun seluk neʼebé bele halo ida-neʼe. Ita bele lee kona-ba Jesus nia hanorin iha Mateus kapítulu 5-7. Maski ninia liafuan sira mak simples deʼit, maibé ita bele hetan matenek barak no neʼe bele book duni ita-nia laran.

OINSÁ MAK ITA BELE HETAN BUAT DIʼAK HUSI UKUN NEʼE?

Hakat primeiru atu moris iha Maromak nia Ukun okos mak hodi hetan edukasaun kona-ba ukun neʼe. Jesus rasik hatete iha ninia orasaun ba Maromak: “Neʼe mak moris rohan-laek: Katak sira hatene didiʼak kona-ba Ita, Maromak loos mesak deʼit, no mós Jesus Kristu neʼebé Ita haruka mai.”​—João 17:3.

Bainhira ema hatene Maromak, neʼe sei ajuda sira iha dalan oioin. Hanoin toʼok buat rua: Primeiru, sira sei iha fiar neʼebé metin ba Maromak. Fiar neʼe bazeia ba evidénsia, no neʼe halo sira fiar katak Maromak nia Ukun mak realidade no lakleur tan sei ukun. (Ebreu 11:1) Segundu, sira-nia domin ba Maromak no ba ema seluk sei sai boot liután. Domin ba Maromak sei book sira atu halo tuir Maromak ho laran tomak. Domin ba ema sei book sira atu aplika Jesus nia ukun-fuan neʼebé hatete: “Buat neʼebé imi hakarak ema halo ba imi, halo mós nuneʼe ba sira.”​—Lucas 6:31.

Hanesan Aman ida, ita-nia Kriadór hakarak buat diʼak ba ita. Nia hakarak ita atu hetan “moris neʼebé loloos”. (1 Timóteo 6:19) Moris ohin loron laʼós “moris neʼebé loloos”. Ema barak moris terus no susar. Atu ajuda Ita imajina kona-ba “moris neʼebé loloos”, haree toʼok buat furak balu tuirmai neʼebé Maromak nia Ukun sei halo ba ninia povu.

BUAT FURAK HUSI MORIS NEʼEBÉ LOLOOS

  • “Iha ninia tempu [Kristu sei ukun nuʼudar Liurai] ema laran-loos sei buras, no dame sei sai barak . . . Nia sei ukun . . . toʼo rai hotu iha mundu tomak.”​—Salmo 72:7, 8, 13, 14.

  • “[Maromak] sei hapara funu sira iha mundu tomak. Nia halo tohar rama no harahun diman.”​—Salmo 46:9.

  • “Sei iha ai-han barak iha rai; foho-tutun sira sei nakonu ho ai-han.”​—Salmo 72:16.

  • “Sira sei harii uma no hela iha laran, no sira sei kuda uvas iha toʼos no han ninia fuan. Sira sei harii uma, laʼós ba ema seluk mak atu hela, no sira sei kuda, laʼós ba ema seluk mak atu han. . . . Sira neʼebé haʼu hili ona sei haksolok duni ho serbisu neʼebé sira halo ho sira-nia liman.”​—Isaias 65:21, 22.

  • “Maromak nia tenda hamutuk ho ema . . . Nia sei hamaran sira-nia matan-been hotu husi sira-nia matan, mate sei la iha tan, no ema sei la triste tan ka tanis ka sente moras.”​—Apokalipse 21:3, 4.

Ema moris kontente iha Paraízu

Iha Maromak nia Ukun okos, ema sei moris ho dame no seguru no mós sei iha ai-han barak

PONTU IMPORTANTE

JESUS NIA HANORIN FÓ MATADALAN NO FORSA BA EMA ATU HALO BUAT NEʼEBÉ DIʼAK. EMA HOTU NEʼEBÉ MORIS TUIR JESUS NIA HANORIN SEI MORIS HO DAME NO UNIDADE IHA MAROMAK NIA UKUN

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe