Lisaun 12
Hatudu respeitu ba moris no raan
Oinsá mak ita tenke hanoin kona-ba moris (1), no abortu? (1)
Oinsá maka kristaun hatudu katak sira hanoin atu la tau sira-nia moris iha perigu? (2)
Sala atu oho animál sira ka lae? (3)
Hahalok balu saida maka la hatudu respeitu ba moris? (4)
Saida maka Maromak nia lei kona-ba raan? (5)
Transfuzaun raan nian tuir lei neʼe ka lae? (6)
1. Jeová maka moris nia Hun. Buat hotu neʼebé moris bele iha tanba Maromak. (Salmo[Mazmur] 36:9) Moris maka buat ida neʼebé sagradu ba Maromak. Labarik neʼebé seidauk moris, iha nia inan-nia kabun, mós folin-boot ba Maromak. Bainhira ema oho moris neʼe, neʼebé sei iha kabun laran, ida-neʼe sala iha Maromak nia oin. — Êxodo[Keluaran] 21: 22, 23; Salmo[Mazmur] 127:3.
2. Kristaun loos sira hanoin atu la tau sira-nia moris iha perigu. Sira kuidadu atu sira-nia karreta no uma la iha perigu. (Deuteronômio[Ulangan] 22:8) Maromak nia atan sira la tau sira-nia moris iha perigu ruma atu buka haksolok deʼit. Tan neʼe, sira la hola parte iha jogu ruma neʼebé iha violénsia, neʼebé bele hakanek ema seluk. Sira sees an husi filme, livru no halimar sira seluk neʼebé dada ita atu halo violénsia. — Salmo[Mazmur] 11:5; Joao 13:35.
3. Animál sira-nia moris mós sagradu ba Maromak. Kristaun bele oho animál sira atu hetan hahán no roupa, ou atu proteje an husi moras no perigu. (Gênesis[Kejadian] 3:21; 9:3; Êxodo[Keluaran] 21:28) Maibé, sala atu trata aat animál sira ou oho sira tanba taru-osan ou atu buka haksolok deʼit. — Provérbios[Amsal] 12:10.
4. Fuma sigaru, mama malus, no uza droga laʼós ba kristaun sira. Hahalok sira-neʼe sala tanba (1) halo ita sai sira-nia atan, (2) estraga ita-nia isin, no (3) buat sira-neʼe lamoos. (Roma 6:19; 12:1; 2 Korinto 7:1) Karik susar tebes atu husik kostume sira-neʼe. Maibé ita tenke husik atu halo kontente Jeová.
5. Raan mós sagradu iha Maromak nia oin. Maromak hateten katak klamar, ou moris, mak iha raan laran. Tan neʼe, sala atu han raan. Mós sala atu han naʼan husi animál neʼebé raan seidauk hasai. Se animál ida buti mate ka mate iha lasu ida, ita labele han. Se mate ho diman ka tiru, tenke hasai nia raan lalais se ida-neʼe atu han. — Gênesis[Kejadian] 9:3, 4; Levítico[Imamat] 17:13, 14; Apostolu[Kisah] 15:28, 29.
6. Sala atu simu transfuzaun raan nian ka lae? Hanoin-hetan katak Jeová hakarak ita atu hadook an husi raan. Ida-neʼe signifika katak ita labele hatama ema seluk nia raan iha ita-nia isin, no mós ita-nia raan rasik neʼebé rai hela iha fatin ida. (Apostolu[Kisah] 21:25) Tan neʼe, kristaun loos sira la simu transfuzaun raan nian. Sira simu tratamentu médiku oin-seluk, hanesan transfuzaun husi buat neʼebé laʼós raan. Sira hakarak moris, maibé sira la koko atu salva sira-nia moris hodi la halo tuir Maromak nia lei sira. — Mateus 16:25.
[Dezeñu sira iha pájina 25]
Atu halo kontente Maromak, ita tenke hadook an husi transfuzaun raan nian, kostume lamoos, no perigu ruma