Lisaun 16

Ita-nia desizaun atu serbí Maromak

Saida mak Ita tenke halo atu sai Maromak nia belun? (1, 2)

Oinsá mak Ita halo Ita-nia dedikasaun ba Maromak? (1)

Bainhira mak Ita tenke hetan batizmu? (2)

Oinsá ita bele hetan forsa atu fó-laran nafatin ba Maromak? (3)

1. Atu sai Maromak nia belun, Ita tenke hatene diʼak kona-ba lia-loos husi Bíblia (1 Timoteo 2:​3, 4), tau fiar iha buat neʼebé Ita aprende tiha ona (Ebreu[Ibrani] 11:⁠6), arrepende, ou hakribi Ita-nia sala (Apostolu[Kisah] 17:⁠30, 31), no troka Ita-nia moris atu fila ba dalan neʼebé loos. (Apostolu[Kisah] 3:19) Depois, Ita-nia domin ba Maromak sei dada Ita atu dedika Ita-nia an ba nia. Ita halo ida-neʼe iha orasaun espesiál ida, neʼebé Ita halo rasik, hodi entrega Ita-nia an ba Nia atu halo Ninia hakarak. — Mateus 16:24; 22:37.

2. Depois halo tiha Ita-nia dedikasaun ba Maromak, Ita tenke hetan batizmu. (Mateus 28:​19, 20) Batizmu hatudu ba ema hotu katak Ita dedika tiha ona Ita-nia an ba Jeová. Tan neʼe, labarik kiʼik neʼebé seidauk bele halo desizaun atu serbí Maromak la bele hetan batizmu. Bainhira ema ida hetan batizmu, ninia isin-lolon tomak tenke tama iha bee laran.a— Marcos 1:​9, 10; Apostolu[Kisah] 8:⁠36.

3. Depois Ita halo dedikasaun, Jeová sei hakarak Ita atu moris tuir buat neʼebé Ita promete ba nia. (Salmo[Mazmur] 50:14; Eclesiastes[Pengkotbah] 5:​4, 5) Diabu sei koko atu hapara Ita serbí Jeová. (1 Pedro 5:⁠8) Entaun, hakbesik ba Maromak iha orasaun. (Filipe 4:​6,  7) Estuda ninia Liafuan loroloron. (Salmo[Mazmur] 1:​1-3) Hela hamutuk nafatin ho kongregasaun. (Ebreu[Ibrani] 13:17) Hodi halo buat hirak-neʼe hotu, Ita sei hetan forsa atu fó-laran nafatin ba Maromak. Hanesan neʼe, Ita sei bele halo ba nafatin buat neʼebé Maromak hakarak!

[Nota–rodapé]