Keta dada an

Saida mak Jesus halo

VÍDEO: Jesus fó konsellu ba ukun-naʼin ida neʼebé riku

1. Haree VÍDEO, ka lee Marcos 10:​17-22. Depois haree toʼok pergunta tuirmai:

1. Jesus haree ukun-naʼin joven neʼe karik iha hahalok diʼak saida deʼit?

2. Tanbasá mak Jesus presiza hatudu domin no la dada an atu fó konsellu ba nia?

Ita aprende saida husi Jesus?

2. Ita presiza koʼalia ho domin no la dada an atu esplika ho klaru kona-ba buat neʼebé estudante presiza halo atu iha relasaun diʼak ho Jeová.

Halo tuir Jesus nia ezemplu

3. Ajuda estudante atu halo planu no kumpre ida-neʼe.

1. Uza parte “Planu” iha lisaun ida-idak husi Moris Haksolok ba Nafatin.

2. Ajuda nia komprende saida mak nia presiza halo atu kumpre ninia planu ba tempu badak no naruk.

3. Gaba beibeik estudante kona-ba buat diʼak neʼebé nia halo daudaun.

4. Buka-hatene saida mak hanetik estudante atu laʼo ba oin, no ajuda nia tuir ninia presiza.

1. Husu ba Ita-nia an:

   • ‘Saida mak hanetik haʼu-nia estudante atu laʼo ba oin toʼo hetan batizmu?’

   • ‘Haʼu bele halo saida atu ajuda nia?’

2. Halo orasaun atu sai brani hodi la dada an atu esplika ho klaru no ho laran-diʼak kona-ba buat neʼebé nia presiza halo.

5. Para estuda se estudante la laʼo ba oin.

1. Atu hatene se Ita-nia estudante la laʼo ba oin, Ita bele husu ba Ita-nia an:

   • ‘Nia aplika buat neʼebé nia aprende ka lae?’

   • ‘Nia tuir reuniaun no fahe lia-loos ba ema seluk ka lae?’

   • ‘Se nia estuda ba tempu kleur ona, nia hakarak sai Testemuña ba Jeová ka lae?’

2. Se Ita-nia estudante Bíblia la iha hakarak atu laʼo ba oin:

   • Husu nia atu hanoin kona-ba saida mak hanetik nia.

   • Esplika ho laran-diʼak tanbasá Ita sei para estuda ho nia.

   • Fó-hatene ba nia saida deʼit mak nia presiza halo atu Ita bele estuda fali ho nia.