Ita prepara an atu komemora loron neʼebé importante liu ka lae?

FOIN antes Jesus mate, nia hatudu dalan espesiál atu ema bele hanoin filafali ninia mate. Bíblia bolu serimónia ida-neʼe nuʼudar “Naʼi nia han-kalan”. (1 Korinto 11:20) Hodi hatudu katak importante atu komemora ninia mate, Jesus haruka ninia dixípulu sira hodi dehan: “Halo ida-neʼe hodi hanoin haʼu.” (Lucas 22:19) Ita mós hakarak halo tuir Jesus ka lae? Se nuneʼe, Ita presiza haree katak Jesus nia loron mate mak loron neʼebé importante liu hotu.

Maibé, bainhira loos mak ita tenke komemora nia loron mate? No mós oinsá mak ita bele prepara ita-nia an hodi komprende tansá mak loron neʼe importante? Ema kristaun ida-idak presiza hanoin didiʼak kona-ba pergunta sira-neʼe.

Tinan ida dala hira?

Baibain, ita hotu komemora loron boot sira iha tinan ida dala ida. Porezemplu, tinan-tinan ema iha rai-Timór komemora loron Santa Krús hodi hanoin filafali akontesimentu iha 12 Novembru 1991.

Neʼe hanesan mós ho ema Israel iha Bíblia nia tempu, sira hanoin filafali akontesimentu importante tinan ida dala ida. (Ester 9:21, 27) Maromak Jeová fó mandamentu ba ema Israel katak, tinan-tinan sira tenke komemora loron neʼebé nia halo sira livre husi ema Egiptu nia ukun. Bíblia bolu loron neʼe nuʼudar Páskua, no ema Israel sira selebra akontesimentu neʼe tinan ida dala ida, iha loron neʼebé Maromak salva sira.—Êxodo (Keluaran) 12:24-27; 13:10.

Kuandu Jesus halo hotu selebrasaun Páskua ho ninia apóstolu sira, nia hahú halaʼo Naʼi nia Han-Kalan ba dala primeiru hodi hatudu dalan atu hanoin filafali ninia mate. (Lucas 22:7-20) Han-Kalan neʼe mak troka fali ho Páskua neʼebé ema judeu selebra tinan ida dala ida. Tan neʼe, ita mós komemora Naʼi nia Han-Kalan tinan ida dala ida. Maibé iha loron saida?

Loron saida?

Atu hatán pergunta neʼe, ita presiza hatene kona-ba buat rua. Primeiru, iha Bíblia nia tempu, loron foun komesa kuandu loro-matan monu, no ramata iha loron tuirmai kuandu loro-matan monu. Tan neʼe, ema Israel iha tempu antigu sura loron ida husi lokraik toʼo lokraik.—Levítico (Imamat) 23:32.

Segundu, Bíblia la uza kalendáriu neʼebé ita uza ohin loron. Iha tempu neʼebá, ema judeu iha kalendáriu neʼebé uza naran hanesan fulan-Adar no fulan-Nisan. (Ester 3:7) Ba ema judeu, fulan foun komesa kuandu sira foin haree fulan lotuk. Sira selebra Páskua iha loron 14 iha fulan-Nisan, fulan primeiru iha sira-nia kalendáriu. (Levítico [Imamat] 23:5; Números [Bilangan] 28:16) Data neʼebé ema Roma hedi Naʼi Jesus Kristu mós loron 14 Nisan. Nia mate tinan 1.545 liutiha Páskua primeiru iha rai-Egiptu. Tan neʼe, loron 14 Nisan mak loron neʼebé espesiál tebes!

Maibé loron 14 Nisan monu iha loron saida iha ita-nia kalendáriu? Fulan-Nisan komesa kuandu ema iha Jerusalém foin haree fulan lotuk depois semana primeiru iha fulan-Marsu. Liutiha loron 14 husi fulan lotuk neʼe mak 14 Nisan, baibain ita bele haree fulan-nakonu iha kalan neʼe. Entaun, ba tinan 2011 loron ida-neʼe komesa kuandu loro-matan tun iha loron-domingu, 17 Abríl.

Nuneʼe, ba tinan ida-neʼe Testemuña ba Jeová prepara sira-nia an atu halibur hamutuk ho ema hotu neʼebé hakarak hanoin filafali Jesus nia mate. Ho laran-haksolok, sira konvida Ita atu halibur hamutuk ho sira. Halo favór, koʼalia ho Testemuña ba Jeová iha Ita-nia área hodi hatene kona-ba fatin no oras atu halaʼo reuniaun neʼe. Sira sei komemora Jesus nia mate laʼós iha dadeer ka meiudia, maibé kuandu loro-matan monu ona. Tanbasá? Tanba tuir Bíblia, fiar-naʼin sira komemora Jesus nia mate iha tempu “han-kalan”. (1 Korinto 11:25) Testemuña sira sei halibur an iha domingu kalan, 17 Abríl 2011. Kalan neʼe hanesan ho loron 14 Nisan, tempu neʼebé Jesus hahú Naʼi nia Han-Kalan iha tinan 1.978 liubá. Sin, domingu kalan, iha 17 Abríl mak tempu neʼebé loron 14 Nisan komesa, no iha loron neʼe Jesus mate. Entaun, diʼak duni atu ita hanoin ninia mate iha loron neʼe, loos ka lae?

Oinsá atu prepara ita-nia an

Iha dalan saida deʼit mak ita bele prepara ita-nia an ba loron importante neʼe? Dalan ida mak hodi hanoin kleʼan kona-ba buat neʼebé Jesus halo ona mai ita. Livru Tuir Loloos, Saida mak Bíblia Hanorin?a ajuda ona ema rihun ba rihun atu komprende didiʼak oinsá Jesus nia mate kona sira-nia moris.—Mateus 20:28.

Dalan ida seluk mak hodi lee kona-ba buat neʼebé Jesus halo iha loron balu antes nia mate. Ida-neʼe sei ajuda ita atu prepara ita-nia laran ba tempu importante neʼe. Informasaun iha pájina tuirmai sei ajuda ita atu halo nuneʼe. Iha sorin karuk, ita bele kompara loron neʼebé tuir ita-nia kalendáriu ho loron neʼebé tuir kalendáriu iha Bíblia nia tempu. Iha klaran ita bele haree buat neʼebé akontese iha loron ida-idak. Iha sorin loos hatudu eskritura sira iha Evanjellu no informasaun iha livru Toko Terbesar Sepanjang Masab neʼebé konta kona-ba akontesimentu sira-neʼe. Diʼak se iha loron ida-idak antes Naʼi nia Han Kalan Ita fahe tempu atu lee eskritura balu, ka hotu, hodi tuir lista neʼe. Hodi halo nuneʼe sei ajuda Ita prepara an atu komemora loron neʼebé importante liu hotu.

[Nota–rodapé]

[Liafuan ne’ebé foti husi pájina 14]

Hanoin filafali Jesus nia mate loron-domingu, 17 Abríl 2011

[Tabela/Dezeñu iha pájina 15]

(Atu haree kompletu, haree iha livru neʼe)

JESUS NIA SEMANA IKUS

2011 Tersa, 12 Abríl

▪ Sábadu

□ Joao 11:55–12:1

□ gt 101, pars. 2-4c

9 NISAN (komesa kuandu loro-matan tun)

Iha Bíblia nia tempu loron foun komesa depois loro-matan tun, no hotu iha loron tuirmai kuandu loro-matan tun fali

▪ Han hamutuk ho Simão

▪ Maria kose mina-morin

▪ Ema judeu sira bá vizita Jesus no Lázaro

□ Mateus 26:6-13

□ Marcos 14:3-9

□ Joao 12:2-11

□ gt 101, pars. 5-9

2011 Kuarta, 13 Abríl

▪ Tama nuʼudar liurai iha Jerusalém

▪ Hanorin iha templu

□ Mateus 21:1-11, 14-17

□ Marcos 11:1-11

□ Lucas 19:29-44

□ Joao 12:12-19

□ gt 102

10 NISAN (komesa kuandu loro-matan tun)

▪ Toba iha Betânia

2011 Kinta, 14 Abríl

▪ Laʼo ba Jerusalém iha dadeer-saan

▪ Duni sai kontratu-naʼin sira husi templu

▪ Maromak Jeová nia lian tun husi lalehan

□ Mateus 21:12, 13, 18, 19

□ Marcos 11:12-19

□ Lucas 19:45-48

□ Joao 12:20-50

□ gt 103, 104

11 NISAN (komesa kuandu loro-matan tun)

2011 Sesta, 15 Abríl

▪ Hanorin iha templu hodi uza ai-knanoik

▪ Fó sai ema farizeu sira nia hahalok aat

▪ Haree feto-faluk neʼebé tau osan kiʼik iha osan-fatin

▪ Fó sai nanis Jerusalém sei naksobu

▪ Fó sai sinál kona-ba ninia hiʼit an mai

□ Mateus 21:19–25:46

□ Marcos 11:20–13:37

□ Lucas 20:1–21:38

□ gt 105 toʼo 112, par. 12, par. 1

12 NISAN (komesa kuandu loro-matan tun)

2011 Sábadu, 16 Abríl

▪ Hamutuk ho dixípulu sira iha Betânia

▪ Judas futu lia ho amlulik sira atu saran Jesus

□ Mateus 26:1-5, 14-16

□ Marcos 14:1, 2, 10, 11

□ Lucas 22:1-6

□ gt 112, pars. 2-4

13 NISAN (komesa kuandu loro-matan tun)

2011 Domingu, 17 Abríl

▪ Pedro no João prepara ba Páskua

▪ Iha lokraik, Jesus no apóstolu sira seluk laʼo bá fatin atu selebra Páskua

□ Mateus 26:17-19

□ Marcos 14:12-16

□ Lucas 22:7-13

□ gt 112, par. 5 to 113, par. 1

14 NISAN (komesa kuandu loro-matan tun)

▪ Selebra Páskua

▪ Fase apóstolu sira-nia ain

▪ Haruka Judas sai

▪ Halaʼo Naʼi nia Han-Kalan atu komemora nia mate

□ Mateus 26:20-35

□ Marcos 14:17-31

□ Lucas 22:14-38

□ Joao 13:1–17:26

□ gt 113, par. 2 toʼo 116 nia rohan

2011 Segunda, 18 Abríl

▪ Judas saran Jesus no ema kaer nia iha jardín Getsémani

▪ Apóstolu sira halai namkari

▪ Tribunál Sinédriu tesi lia ba Jesus

▪ Pedro nega Jesus

□ Mateus 26:36-75

□ Marcos 14:32-72

□ Lucas 22:39-62

□ Joao 18:1-27

□ gt 117 toʼo 120 nia rohan

▪ Hamriik filafali iha Sinédriu nia oin

▪ Ema lori Jesus ba Pilatos, tuirmai ba Herodes, depois fila fali ba Pilatos

▪ Hetan kastigu-mate, ema hedi nia

▪ Mate maizumenus tuku tolu lokraik

▪ Dixípulu sira hatún nia isin-mate no hakoi

□ Mateus 27:1-61

□ Marcos 15:1-47

□ Lucas 22:63–23:56

□ Joao 18:28-40

□ gt 121 toʼo 127, par. 7

15 NISAN (komesa kuandu loro-matan tun)

▪ Sábadu

2011 Tersa, 19 Abríl

▪ Pilatos hatán atu ema hein Jesus nia rate

□ Mateus 27:62-66

□ gt 127, pars. 8-9

16 NISAN (komesa kuandu loro-matan tun)

□ Marcos 16:1

2011 Kuarta, 20 Abríl

▪ Moris hiʼas husi mate

▪ Mosu ba dixípulu sira

□ Mateus 28:1-15

□ Marcos 16:2-8

□ Lucas 24:1-49

□ Joao 20:1-25

□ gt 127, par. 10 toʼo 129, par. 10

[Nota–rodapé]