Saida mak Bíblia hanorin?

Bíblia bele ajuda ita atu la sente laran-susar ka lae?

Tuir Ita-nia hanoin?

• Sin

• Lae

• Karik

Saida mak Bíblia hatete?

“Entrega imi-nia laran-susar hotu ba [Maromak], tanba nia hanoin imi.” (1 Pedro 5:7) Bíblia hatete katak Maromak bele halo ita sente kmaan bainhira ita laran-susar.

Saida tan mak Bíblia hanorin?

• Liuhusi orasaun, ita bele hetan “Maromak nia dame”, neʼebé bele hamenus ita-nia laran-susar.​—Filipe 4:6, 7.

• Lee Maromak nia Liafuan mós bele ajuda ita atu tahan hasoru estrese.​—Mateus 11:28-30.

Loron ida, laran-susar sei lakon ba nafatin ka lae?

Ema balu fiar . . . katak laran-susar no estrese mak parte husi ema nia moris, ema balu tan fiar katak depois mate mak ita bele sai livre husi laran-susar. Oinsá ho Ita?

Saida mak Bíblia hatete?

Maromak sei halakon buat hotu neʼebé halo ita laran-susar. “Mate sei la iha tan, no ema sei la tanis tan ka laran-susar ka laran-triste.”​—Apokalipse 21:4.

Saida tan mak Bíblia hanorin?

• Iha Maromak nia Ukun okos, ema sei moris ho dame no hakmatek.​—Isaías (Yesaya) 32:18.

• Sei la iha tan laran-susar no estrese.​—Isaías (Yesaya) 65:17.