“Halo Ita-nia Reinu toʼo mai ami”—Orasaun neʼebé ema barak halo
Ita mós halo orasaun ba Maromak nia Reinu atu mai ka lae? Durante tinan atus ba atus, ema barak halo orasaun: “Halo Ita-nia Reinu toʼo mai ami.” Tanbasá mak ema halo ida-neʼe? Tanba Jesus hatete ba ninia dixípulu sira atu halo orasaun kona-ba Maromak nia Reinu.
Foufoun, Jesus nia dixípulu sira la komprende buat hotu neʼebé Jesus koʼalia kona-ba Maromak nia Reinu. Dala ida sira husu ba Jesus: “Naʼi, oras neʼe mak Ita-Boot sei foti saʼe fali reinu Israel nian?” Karik sira hakfodak tanba Jesus la fó-hatene sira bainhira loos mak Maromak nia Reinu sei mai. (Apóstolu 1:6, 7 Liafuan diak ba imi, segunda edisaun) Neʼe katak ita sei la hatene kona-ba saida mak Maromak nia Reinu, no bainhira mak Reinu neʼe sei mai ka lae? Lae.
Livru Haklaken neʼe sei ajuda Ita atu hatene resposta ba pergunta sira tuirmai:
Tanbasá mak ita presiza Maromak nia Reinu?
Sé mak Liurai ba Maromak nia Reinu?
Bainhira mak Maromak nia Reinu sei ukun mundu neʼe?
Saida mak Maromak nia Reinu sei halo?
Tanbasá mak agora presiza apoia Maromak nia Reinu?
Saida mak Maromak nia Reinu?