Bíblia iha kbiit atu book Ita-nia moris

Bíblia ajuda ona ema rihun ba rihun atu moris diʼak liután. Kuandu ema halo tuir Bíblia nia matadalan, neʼe bele ajuda sira atu hasoru problema. Saida mak Bíblia nia matadalan balu? Ita sei kontente atu hetan resposta ba pergunta neʼe hodi haree informasaun kona-ba vídeo Kuasanya dalam Kehidupan Anda, neʼe mak parte segundu husi parte tolu neʼebé ketaketak iha DVD Alkitab—Buku Berisi Fakta dan Nubuat. Depois haree vídeo ida-neʼe, haree toʼok se Ita bele hatán pergunta sira tuirmai neʼe:

(1) Tansá mak ita bele dehan katak Bíblia laʼós livru baibain deʼit? (Ebr 4:12) (2) Se Bíblia bele ajuda duni ema atu halo sira-nia moris sai diʼak liután, tansá mak ema barak ohin loron hasoru susar barak? (3) Saida mak Bíblia nia tema importante liu? (4) Iha vídeo neʼe, eskritura saida deʼit mak bele ajuda kaben-naʼin sira atu (a) koʼalia ba malu diʼak liután, no (b) kontrola hirus? (5) Oinsá mak ema kristaun nia hanoin kona-ba moris kaben nian ajuda família sira atu iha moris neʼebé kontente liu? (Ef 5:28, 29) (6) Oinsá mak Maromak Jeová hatudu ezemplu diʼak ba inan-aman sira? (Mc 1:9-11) (7) Oinsá mak inan-aman sira bele halo estudu família nian iha dalan neʼebé bele book oan nia laran? (8) Maski importante ba inan-aman atu estuda Bíblia ho sira-nia oan, maibé Maromak nia Liafuan book inan-aman atu fó mós saida ba sira-nia oan? (9) Oinsá mak Bíblia nia konsellu ajuda família sira atu tahan hasoru problema kona-ba ekonomia? (10)Hodi halo tuir Bíblia nia matadalan saida deʼit kona-ba moos iha buat hotu, uza droga, hemu tua demais, no kona-ba estrese, bele ajuda atu hamenus problema saúde? (11)Bíblia nia promesa saida deʼit mak bele ajuda ita atu tahan? (Jó 33:25; Sal 145:16) (12)Oinsá mak hanorin husi Maromak nia Liafuan ajuda Ita atu iha moris neʼebé diʼak liu? (13)Oinsá mak Ita bele uza vídeo neʼe atu ajuda ema seluk?