Bíblia mak livru neʼebé fó sai istória no profesia neʼebé loos
Saida deʼit mak hatudu katak Bíblia fó sai istória neʼebé loos? Oinsá mak Bíblia nia liafuan neʼebé fó-hatene nanis kona-ba futuru, ka Bíblia nia profesia, neʼebé sai loos ona ajuda ita atu fiar ba profesia seluk neʼebé seidauk sai loos? Ita bele hetan resposta ba pergunta sira-neʼe iha vídeo Alkitab—Buku Berisi Fakta dan Nubuat, ka parte terseiru husi DVD Alkitab—Sejarah yang Akurat, Nubuat yang Dapat Diandalkan. Haree vídeo neʼe, no koko toʼok atu hatán pergunta sira tuirmai neʼe.
(1) Informasaun iha Bíblia nia hun mai husi sé? (Dan 2:28) (2) Oinsá mak Bíblia fó sai informasaun neʼebé loos kona-ba rai-Ejitu iha tempu antigu, no oinsá mak liafuan iha Isaías 19:3, 4 sai loos? (3) Oinsá mak sasán antigu sira hatudu katak Bíblia fó sai istória neʼebé loos kona-ba rai-Asíria, ninia liurai sira, no kona-ba nasaun neʼe nia rohan? (Naum 3:1, 7, 13) (4) Profesia saida deʼit mak sai loos ba rai-Babilónia? (Jer 20:4; 50:38; 51:30) (5) Profesia saida deʼit mak sai loos ba nasaun Média no Pérsia? (Isa 44:28) (6) Oinsá mak liafuan iha Daniel 7:6 no 8:5, 8 sai loos ba rai-Grésia? (7) Oinsá mak liafuan iha Daniel 7:7 sai loos kuandu Roma sai nasaun boot liu iha mundu? (8) Sezar sé deʼit mak temi iha Bíblia laran? (9) Saida mak akontese ba ema kristaun sira iha liurai Nero nia ukun? (10) Oinsá mak liafuan iha Apokalipse 13:11 no 17:10 sai loos? (11) Liurai daualu reprezenta saida? (12) Akontesimentu saida deʼit mak hatudu katak liafuan iha Eclesiastes 8:9 mak loos duni? (13) Profesia saida deʼit mak Ita hein atu sai loos iha futuru? (14) Oinsá mak Ita bele uza vídeo neʼe atu ajuda ema seluk fiar katak Maromak mak leno Bíblia?