Ema sei hetan sasin neʼebé furak
1. Diskursu no mós saida tan mak halo bainaka neʼebé tuir Memoriál kontente? Esplika toʼok.
1 Bainhira? Iha kalan neʼebé ita komemora Memoriál. Ita uza tempu barak ona atu konvida ema barak atu tuir Memoriál hamutuk ho ita. Ema neʼebé tuir Memoriál sei kontente ho buat neʼebé sira rona, no mós ba buat neʼebé sira haree. Depois tuir Memoriál, feto ida fó komentáriu kona-ba buat neʼebé nia haree iha neʼebá, nia dehan katak ema hotu hatudu laran-diʼak no domin, no fatin neʼebé sira halaʼo reuniaun neʼe mak moos no furak tanba ema halo serbisu ho voluntáriu. Nuneʼe, laʼós diskursu-naʼin deʼit, maibé ita hotu serbisu hamutuk atu fó sasin iha loron importante liu hotu iha tinan ida nia laran.—Ef 4:16.
2. Oinsá mak ita ida-idak bele fó sasin ba sira neʼebé tuir Memoriál?
2 Simu ho domin: Kuandu ita hatudu oin-midar no fó kumprimentus, ita sei fó sasin neʼebé diʼak ba sira neʼebé tuir Memoriál. (Joao 13:35) Karik ita la bele koʼalia ba ema hotu, maibé ita bele fó koñese ita-nia an ba sira neʼebé tuur besik ita. (Ebr 13:1, 2) Se Ita haree ema ida neʼebé karik tuir Memoriál ba dala primeiru, hakbesik no koʼalia ho nia. Dala ruma nia simu konvite kuandu ita halaʼo kampaña atu fahe konvite. Ita bele husu: “Ita tuir reuniaun neʼe ba dala primeiru ka?” Konvida nia atu tuur ho Ita, no fó-hatene katak se nia iha pergunta ruma, Ita kontente atu hatán. Se Ita-nia kongregasaun tenke sai lalais tanba kongregasaun seluk sei uza fatin neʼe, Ita bele hatete: “Haʼu hakarak hatene Ita-nia hanoin kona-ba reuniaun neʼe, oinsá mak haʼu bele hasoru malu fali ho Ita?”
3. Oinsá mak ita bele fó benvindu ba haklaken-naʼin sira neʼebé la haklaken ona?
3 Fó benvindu: Klaru katak haklaken-naʼin sira neʼebé la haklaken ona sei tuir Memoriál, inklui mós sira balu neʼebé tinan-tinan tuir Memoriál maibé seidauk tuir reuniaun seluk. Fó benvindu ba sira hodi hatudu katak ita kontente tebes atu haree sira. (Rom 15:7) Lakleur depois Memoriál, katuas sira sei bá vizita sira iha sira-nia uma atu fó laran-manas ba sira atu kontinua ransu malu ho kongregasaun. Ami hein katak sira barak neʼebé tuir Memoriál sei hahiʼi Maromak, no buat neʼebé book sira atu halo nuneʼe mak laʼós deʼit buat neʼebé sira rona, maibé mós buat neʼebé sira haree. Sin, ‘sira sei haree ita-nia hahalok diʼak’.—1 Ped 2:12.