Pergunta husi haklaken-naʼin

◼ Ita tenke halo orasaun kuandu estuda Bíblia ho ema iha situasaun hotu-hotu ka lae?

Iha buat diʼak barak neʼebé ita bele hetan hodi loke no taka ho orasaun kuandu estuda Bíblia. Liuhusi orasaun ita husu Maromak Jeová atu fó ninia espíritu santu atu ajuda ita iha estuda neʼe. (Lc 11:13) Orasaun mós hatudu ba ita-nia estudante katak estuda Bíblia mak buat neʼebé importante no mós ida-neʼe hanorin nia kona-ba oinsá halo orasaun. (Lc 6:40) Tan neʼe, se bele diʼak atu halo kedas orasaun kuandu estuda ho ema. Maibé, tanba situasaun ida-idak la hanesan, ema neʼebé halaʼo estudu tenke uza matenek atu deside se nia hakarak halo orasaun kuandu nia halaʼo estudu iha situasaun ida-idak.

Buat importante ida neʼebé ita presiza hanoin mak fatin neʼebé ita halaʼo estudu neʼe. Se ita halaʼo estudu neʼe beibeik no iha fatin neʼebé ema barak ladún haree, karik ita bele halo orasaun badak hodi loke no taka estudu. Maibé, se ema barak haree kuandu ita halo orasaun no neʼe halo estudante sente moe, diʼak atu hein toʼo ita halaʼo estudu iha fatin neʼebé la dada ema barak nia atensaun hodi bele halo orasaun. Sin, ita presiza uza matenek atu tetu didiʼak kona-ba bainhira mak ita komesa halo orasaun kuandu ita estuda ho ema.—Haree Pelayanan Kerajaan Kita, fulan-Marsu 2005, pájina 4.