Osan besi rua neʼebé folin kiʼik tebes

Dalan importante ida neʼebé ita apoia Maromak nia serbisu mak hodi fó kontribuisaun ba serbisu haklaken neʼebé halaʼo daudauk iha mundu tomak. Maibé oinsá se ita ladún iha osan atu fó nuʼudar kontribuisaun?

Loron ida, Jesus haree feto-faluk ida neʼebé kiak tebes fó osan besi rua neʼebé folin kiʼik tebes nuʼudar kontribuisaun ba templu. Feto-faluk neʼe nia domin ba Jeová mak book nia atu fó “buat hotu neʼebé nia iha . . . katak buat neʼebé nia kuran atu moris”. (Mc 12:41-44) Tanba Jesus temi kona-ba neʼe, neʼe hatudu katak buat neʼebé feto-faluk neʼe fó iha folin boot iha Maromak nia matan. Nuneʼe mós, ema kristaun sira iha apóstolu sira-nia tempu, la hanoin katak ema kristaun sira neʼebé riku deʼit mak iha responsabilidade atu apoia serbisu haklaken. Porezemplu, apóstolu Paulo koʼalia kona-ba ema kristaun sira iha Masedónia, nia hatete: “Maski sira kiak, . . . sira husu ami makaʼas atu sira bele fó ho laran.”—2 Kor 8:1-4, MF.

Tan neʼe, maski ita bele fó deʼit osan besi rua neʼebé “folin kiʼik tebes”, diʼak atu hanoin-hetan katak kuandu tau hamutuk, ita-nia kontribuisaun bele sai barak. Ita-nia Aman iha lalehan neʼebé laran-luak sei kontente tebes kuandu ita fó ho laran. Bíblia hatete: “Maromak hadomi ema neʼebé fó ho laran-haksolok.”—2 Kor 9:7.