“Oinsá atu fahe revista sira”

Fulan-fulan, baibain ita iha parte ida iha Reuniaun Serbisu nian neʼebé koʼalia kona-ba oinsá atu fahe revista sira. Parte neʼe mak atu koʼalia hamutuk kona-ba dalan oioin atu fahe livru sira. Tan neʼe, irmaun neʼebé simu knaar neʼe presiza halo tuir matadalan hodi koʼalia liafuan badak deʼit atu hahú hodi book rona-naʼin sira atu hakarak hatene liután kona-ba livru sira-neʼe. Tuirmai, nia husu rona-naʼin sira atu fó sai kona-ba informasaun ida-neʼebé mak sira gosta, hodi nuneʼe ema hotu bele akompaña no hetan ideia neʼebé sira hakarak atu uza. Duké husu rona-naʼin atu koʼalia naruk kona-ba informasaun ida, diʼak liu husu komentáriu husi ema oioin kona-ba pergunta neʼebé bele book uma-naʼin. Depois neʼe husu tan ema balu atu fó komentáriu kona-ba eskritura neʼebé atu lee. Nia ramata hodi halo drama kiʼik kona-ba oinsá atu fahe revista ida-idak. Diʼak se ita hotu lee nanis revista sira, hodi sai prontu atu fó ideia kona-ba oinsá atu fahe revista sira-neʼe. Se ita hotu prepara ho didiʼak, parte neʼe sei ajuda ita atu halo kroʼat ita-nia maluk nia oin.—Prov 27:17.