Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Janeiru

“Ami hakarak rona ita-nia hanoin kona-ba pergunta neʼe. Tuir Ita-nia hanoin, Maromak rasik nia naran mak saida? [Hein ba resposta.] Haree toʼok ba informasaun neʼe.” Fó ba uma-naʼin Livru Haklaken Janeiru–Marsu, hatudu informasaun iha kotuk, no koʼalia hamutuk kona-ba pergunta primeiru no lee eskritura ida. Fó livru neʼe ba uma-naʼin no halo planu atu vizita fali hodi koʼalia tan kona-ba pergunta tuirmai.

Livru Haklaken Janeiru–Marsu

“Ema barak koʼalia beibeik kona-ba mundu nia rohan. Tuir Ita-nia hanoin, ita presiza sente taʼuk kona-ba mundu nia rohan ka lae? [Hein ba resposta.] Tuir eskritura neʼe, sei iha ema balu neʼebé hetan salvasaun. [Lee 1 Joao 2:17.] Livru neʼe sei fó sai Bíblia nia resposta ba pergunta haat neʼebé baibain ema husu kona-ba mundu nia rohan.”

Matan-moris bá! Janeiru–Marsu

“Ami vizita família sira atu fahe informasaun neʼebé bele ajuda sira. Tuir Ita-nia hanoin, importante duni ba família sira atu halo tuir Jesus nia liafuan sira-neʼe ka lae? [Lee Apostolu 20:35b. Tuirmai hein ba resposta.] Susar duni atu hanorin oan sira hodi hatudu laran-diʼak iha mundu neʼebé ema hanoin sira-nia an deʼit. Livru neʼe fó sai informasaun diʼak kona-ba oinsá inan-aman bele haboot sira-nia oan atu hanoin ema seluk nia diʼak.”