Sé mak sei gosta atu lee ida-neʼe?
1. Kuandu ita rasik lee ita-nia Livru Haklaken no Matan-moris bá! ita presiza hanoin kona-ba saida? Tanbasá?
1 Grupu Administradór prepara Livru Haklaken no Matan-moris bá! ba ema iha mundu tomak atu lee. Tan neʼe, informasaun iha livru sira-neʼe nia laran koʼalia kona-ba tópiku oioin. Nuʼudar ita rasik lee informasaun ida-idak iha ita-nia livru sira, diʼak atu hanoin kona-ba sé mak sei gosta informasaun neʼe, depois, hakaʼas an atu fahe ba ema sira hanesan neʼe.
2. Ema sei gosta atu lee tópiku saida deʼit husi ita-nia livru sira?
2 Livru Haklaken ka Matan-moris bá! koʼalia kona-ba tópiku neʼebé Ita foin koʼalia ho Ita-nia maluk iha serbisu-fatin ka lae? Iha informasaun kona-ba moris família nian neʼebé Ita-nia família ruma sei gosta atu lee ka lae? Karik Ita koñese ema ruma neʼebé nia situasaun atu hanesan ho esperiénsia husi ita-nia livru sira. Ka, karik ema neʼebé serbisu iha governu ka bisnis ruma sei gosta atu lee tópiku ida husi ita-nia livru. Porezemplu, karik ema neʼebé serbisu iha ospitál sei gosta atu lee informasaun ruma kona-ba ema moras. Karik polísia no militár sira sei gosta atu lee tópiku kona-ba krime.
3. Esperiénsia saida deʼit mak hatudu katak diʼak atu uza informasaun neʼebé ita hanoin ema seluk sei gosta?
3 Rezultadu sira: Depois simu tiha Sedarlah! fulan-Outubru 2011 nian, ho títulu “Membesarkan Anak yang Bertanggung Jawab”, kaben-naʼin ida iha rai-Áfrika Súl telefone ba eskola 25 iha sira-nia haklaken-fatin. Eskola 22 kontente atu simu livru neʼe no fahe ba estudante sira. Kaben-naʼin seluk husi rai neʼe mós halo nuneʼe. Sira fahe livru neʼe iha eskola sira iha sira-nia haklaken-fatin. Mestre sira iha eskola ida deside atu uza informasaun neʼe iha sira-nia lisaun. Kaben-naʼin neʼe konta sira-nia esperiénsia ba katuas área nian. Depois, katuas área nian fó laran-manas ba kongregasaun hotu iha ninia área atu fahe Sedarlah! neʼe ba eskola sira iha sira-nia fatin. Tanba ema barak hameno, sukursál iha rai neʼe presiza print tan livru neʼe.
4. Tanbasá mak ita hakarak fahe ita-nia livru sira ba ema hotu?
4 Ita-nia livru sira esplika kona-ba akontesimentu sira ohin loron no neʼe ajuda ema atu hatene kona-ba Bíblia no Maromak nia Ukun. Iha rai hotu-hotu livru sira-neʼe deʼit mak “haklaken kona-ba salvasaun”. (Isa 52:7) Tan neʼe, ita hakarak atu fahe ba ema barak. Dalan diʼak atu halo nuneʼe mak husu ba Ita-nia an: “Sé mak sei gosta atu lee ida-neʼe?”