Ezemplu oinsá atu haklaken ba ema
Oinsá atu komesa estudu Bíblia iha domingu primeiru iha fulan-Marsu
“Ami vizita Ita ba minutu balu deʼit atu fó-hatene ba Ita-boot kona-ba selebrasaun espesiál ida iha loron 14 Abríl. Iha loron neʼe mak loron atu selebra Jesus nia mate. Ema balu selebra ida-neʼe tanba sira sente katak Jesus nia mate mak importante tebes. Ema seluk karik la fiar katak Jesus moris-hiʼas fali. Tuir Ita-nia hanoin, importante atu hatene saida mak Bíblia dehan kona-ba Jesus nia mate no moris-hiʼas ka lae?” Hein ba resposta. Hatudu pergunta iha livru Matan-moris bá! Janeiru-Marsu pájina 13 neʼebé dehan “Jesus moris hiʼas duni husi mate ka lae?” no tuirmai koʼalia hamutuk kona-ba informasaun iha subtítulu “Tansá ida-neʼe importante”, no hatudu eskritura ida ka liu. Fó livru neʼe ba uma-naʼin, no halo arranju atu vizita fali hodi koʼalia tan kona-ba pergunta seluk.
Livru Haklaken Janeiru–Marsu
“Ita hotu hakarak atu moris naruk no iha saúde diʼak hamutuk ho ita-nia família, loos ka lae? Maibé, tuir Ita-nia hanoin, loron ida ema bele moris iha mundu neʼebé la iha tan susar no mate ka lae? [Hein ba resposta.] Tuir loloos, ema sei moris duni iha mundu hanesan neʼe tanba neʼe mak Maromak nia hakarak. Haree toʼok oinsá Bíblia esplika kona-ba neʼe iha Apokalipse 21:3-5. [Lee] Livru neʼe sei esplika liután kona-ba oinsá mak promesa neʼe lakleur tan sei sai loos.” Hatudu informasaun iha pájina 11 no fó livru neʼe ba uma-naʼin.
Matan-moris bá! Janeiru–Marsu
“Husi tempu ba tempu, família ida-idak sei hasoru problema. Tuir Ita-nia hanoin, Bíblia iha matadalan neʼebé bele ajuda ita atu tahan susar sira-neʼe no hatudu ba ita kona-ba oinsá atu iha moris família nian neʼebé kontente ka lae? [Hein ba resposta.] Haree toʼok Bíblia nia matadalan iha Tiago 1:19. [Lee] Tuir Ita-nia hanoin, halo tuir matadalan neʼe bele haburas respeitu no domin iha família laran ka lae? [Loke ba informasaun iha pájina 14.] Livru Matan-moris bá! neʼe sei esplika kona-ba oinsá mak ita bele rona ba malu iha família laran no oinsá ida-neʼe bele ajuda família.”