Uza didiʼak ita-nia revista tuan sira

Ita-nia revista, ka majalah sira neʼebé tuan ona la bele ajuda ema ida se ita rai deʼit ka soe. Diʼak atu koko fahe revista sira-neʼe ba ema. Revista ida deʼit mós bele halo ema interese hodi lia-loos bele tubu iha sira-nia laran, no sira bele tau fiar ba Jeová. (Roma 10:13, 14) Tuirmai mak sujestaun balu kona-ba oinsá bele uza didiʼak ita-nia revista tuan sira.

• Iha área neʼebé ita ladún haklaken beibeik, ita bele rai revista balu iha odamatan se ema la iha uma.

• Kuandu ita haklaken iha fatin públiku, hanesan iha terminál, husu toʼok ema se sira hakarak buat ruma atu lee. Hatudu ba sira revista balu neʼebé tuan ona no husik sira atu hili ida-neʼebé mak sira gosta.

• Kuandu ita bá ospitál, klínika ka fatin seluk hanesan neʼe, ita bele rai revista tuan balu iha fatin atu hein. Baibain, diʼak atu husu lisensa uluk antes halo ida-neʼe. Se ita haree katak iha ona revista balu tanba ita-nia maluk tau ona, entaun lalika tau revista tan.

• Kuandu ita prepara atu bá vizita fali, hanoin kona-ba ema ida-idak nia presiza. Porezemplu, nia iha ona família ka seidauk? Nia gosta bá pasiar ka lae? Nia gosta halo jardín ka lae? Haree se ita-nia revista tuan ida iha informasaun neʼebé nia sei gosta atu lee, depois bele fó ba nia.

• Se ita bá beibeik ita-nia vizita fali, maibé nia sempre la iha uma, entaun kuandu ita konsege hasoru fali ho nia, ita bele fó revista balu neʼebé nia seidauk hetan.