Ho laran-diʼak fahe “buat diʼak” ba malu (Mateus 12:35a)
Ita hotu hakarak fahe “buat diʼak” ho ema seluk hodi “haburas toman atu hatudu laran-diʼak”. (Roma 12:13) Dalan ida mak katuas kongregasaun sira halo arranju hodi konvida diskursu-naʼin sira husi kongregasaun seluk neʼebé mai hatoʼo diskursu iha ita-nia kongregasaun hodi han hamutuk no selu fali osan mina ba sira. Maibé, dala ruma tanba ita ladún iha osan barak, ita sente ita forsa la toʼo atu konvida sira han hamutuk. Ka ita mak sente an demais tanba la iha toman konvida ema mai ita-nia uma. Se nuneʼe, hanoin fali Jesus nia konsellu ba Marta bele ajuda ita halakon sentimentu sira-neʼe. (Lucas 10:39-42) Jesus esplika katak “buat neʼebé diʼak” husi hatudu laran-diʼak ba ema mak koʼalia hamutuk no anima malu, laʼós atu iha hahán barak ka uma ho sasán barak. Ita hotu bele halo tuir Jesus nia konsellu neʼe hodi fahe “buat diʼak” ho ita-nia irmaun sira tuir buat neʼebé Bíblia hatete.—3 João 5-8.