Anima malu ho laran-manas atu halo serbisu neʼebé diʼak

Ebreu 10:24 anima ita atu “hanoin malu hodi ajuda malu atu hatudu domin no hahalok diʼak”. Ita bele ajuda malu hodi anima ita-nia irmaun-irmán sira liuhusi ita-nia ezemplu no komentáriu sira. Iha kongregasaun laran, fahe ita-nia esperiénsia diʼak ho irmaun-irmán sira, hodi sira bele haree ita-nia solok iha Jeová nia serbisu. Maibé kuidadu atu la bele kompara malu. (Galásia 6:4) Uza ita-nia bensaun ka matenek hodi anima ema seluk atu iha “domin no hahalok diʼak”, laʼós atu halo sira laran sente sala. (Haree livru Aprende husi Eskola Serbisu Kristaun nian, p. 158, par. 4.) Se ita mak anima ema atu iha domin, fasil mós ba sira atu hatudu hahalok diʼak seluk hodi ajuda ema ka haklaken.—2 Korinto 1:24.