Ezemplu oinsá atu haklaken ba ema

Livru Haklaken Abríl–Juñu

“Ohin loron sempre iha problema barak iha moris família nian. Uluk Ita-Boot hanoin ona ka lae, saida mak xave atu família sira bele moris kontente? [Hein ba resposta, depois esplika katak iha Bíblia, Maromak fó-hatene ita oinsá bele kontente iha família laran. Loke ba pájina 8 no hatudu Éfeso 5:25. Lee.] Informasaun iha livru neʼe koʼalia kona-ba saida mak laʼen sira bele halo atu ninia família bele kontente.”

Matan-moris bá! Abríl–Juñu

“Ema barak sente katak taru osan la sala. Maibé ema seluk fali hanoin katak taru osan bele halo família sira naksobu no estraga komunidade. Ita-Boot sente oinsá kona-ba neʼe? [Hein ba resposta. Depois loke ba pájina 12.] Livru ida-neʼe koʼalia kona-ba Bíblia nia matadalan neʼebé bele ajuda. Porezemplu: [Lee 1 Timóteo 6:9, 10.] Karik Ita-Boot sei gosta hatene oinsá eskritura seluk tan liga ho tópiku neʼe.”