Aumenta ita-nia matenek iha serbisu haklaken—Treinu estudante Bíblia atu iha toman estuda neʼebé diʼak
Tanbasá importante: Se atu laʼo ba oin hodi sai maduru iha lia-loos, estudante Bíblia sira tenkesér estuda beibeik buat kleʼan husi Maromak nia Liafuan. (Ebreu 5:12–6:1) Estuda presiza hakaʼas an, tanba estuda inklui mós aumenta liután informasaun ba matenek neʼebé ita iha ona no buka dalan atu uza informasaun sira-neʼe. (Provérbios [Amsal] 2:1-6) Se estudante aprende oinsá atu halo riset mesak, neʼe bele ajuda nia atu buka resposta ba ninia pergunta rasik husi ita-nia livru sira. Se sira mak hakaʼas an atu uza informasaun husi buat neʼebé sira estuda rasik, ida-neʼe mós sei ajuda sira atu tahan susar neʼebé sira sei hasoru iha futuru.—Lucas 6:47, 48.
Koko ida-neʼe durante fulan neʼe:
Koʼalia tiha subtítulu ida ka kapítulu ida, husu ita-nia estudante atu halo rezumu badak ida kona-ba saida mak nia aprende ona. Se ita seidauk iha estudante Bíblia, koko atu halo rezumu kona-ba eskritura sira ka kona-ba parágrafu sira husi Livru Haklaken neʼebé ita foin lee hodi treinu ita rasik nia kbiit atu komprende buat neʼebé ita lee.