Jeová sei la nega ema neʼebé laran-triste

David hakerek Salmo 51 bainhira nia hetan ona konsellu husi Natan tanba nia halo sala-foʼer ho Batseba. Natan nia liafuan book tebes David nia laran, no David ho haraik-an fó sai ninia sala.—2Sa 12:1-14.

David halo sala boot maibé nia bele fila fali ba Jeová

51:3, 4, 8-12, 17

• Bainhira David seidauk fó sai ninia sala no arrepende an, ninia laran no neon susar tebes

• Nia haree katak Maromak la kontente ho ninia hahalok, nia sente laran-susar no moras tebes hanesan ninia ruin tohar ona

• Nia hakarak tebes atu simu perdua, hakbesik fali ba Jeová, no sente haksolok hanesan tempu uluk

• Ho haraik-an, nia husu Jeová nia ajuda hodi bele prontu atu halo tuir

• Nia fiar metin katak Jeová fó perdua ba nia