MORIS NUʼUDAR EMA KRISTAUN
Oinsá atu sai estudante Bíblia neʼebé badinas
Ita hakarak sai laran-metin hanesan Daniel bainhira hetan koko ka lae? Daniel estuda Maromak nia Liafuan ho badinas, inklui profesia sira neʼebé kleʼan. (Dan 9:2) Estuda Bíblia ho badinas bele ajuda Ita atu hatudu laran-metin. Oinsá? Estuda Bíblia ho badinas bele hametin Ita-nia fiar katak Jeová nia promesa hotu sei sai loos. (Jos 23:14) Haburas Ita-nia domin ba Maromak, neʼe sei book Ita atu halo buat neʼebé loos. (Sal 97:10) Maibé oinsá mak Ita bele halo ida-neʼe? Haree toʼok sujestaun balu tuirmai neʼe.
Estuda kona-ba saida? Toman diʼak atu estuda mak inklui prepara ba reuniaun sira. Se Ita uza tempu atu halo riset ba eskritura sira husi programa lee Bíblia neʼebé Ita seidauk komprende, neʼe sei lori ksolok liután ba Ita. Ema balu hili atu estuda liután kona-ba Bíblia nia profesia, hahalok husi Maromak nia espíritu santu, Paulo nia serbisu misionáriu, ka Jeová nia kriasaun sira. Ka se pergunta ida mak mosu iha Ita-nia neon kona-ba Bíblia, hakerek tiha pergunta neʼe no uza pergunta neʼe sai hanesan tópiku ba Ita-nia estuda tuirmai.
Buka informasaun husi neʼebé? Haree vídeo Dalan atu bele hetan rikusoin husi Bíblia atu buka tan sujestaun balu. Koko buka-hatene toʼok animál sira neʼebé temi iha Daniel kapítulu 7 reprezenta ukun boot saida deʼit.
Presiza uza oras hira atu estuda? Estuda beibeik mak xave ba Ita-nia saúde espirituál nian. Ita bele hahú estuda ho oras badak deʼit, neineik-neineik mak aumenta oras. Estuda Maromak nia Liafuan hanesan ho keʼe rikusoin. Se Ita keʼe hetan rikusoin balu, Ita hakarak keʼe tan! (Prv 2:3-6) Estuda beibeik Bíblia bele halo Ita gosta liután Maromak nia Liafuan, no kontinua sai Ita-nia toman.—1Pe 2:2.
ANIMÁL SIRA HUSI DANIEL KAPÍTULU 7 REPREZENTA SAIDA DEʼIT?
PERGUNTA SELUK:
Oinsá mak Daniel 7:8, 24 sai loos ona?
ESTUDA TUIRMAI:
Animál sira husi Apokalipse kapítulu 13 reprezenta saida deʼit?