Maski Festa Salvasaun laʼós ilas ba Memoriál, maibé ita bele aprende buat barak husi Festa Salvasaun. Porezemplu, apóstolu Paulo hatete katak Jesus mak “bibi-oan ba festa salvasaun nian”. (1Ko 5:7) Jesus nia raan bele salva moris, hanesan neʼe mós ho bibi-oan nia raan neʼebé hisik iha odamatan riin. (Éx 12:12, 13) Iha tempu uluk, parte ida husi kastigu-mate mak halo tohar ema nia ruin, maibé Jesus nia ruin la iha ida mak tohar. Hanesan neʼe mós iha Festa Salvasaun, la iha ruin ida husi bibi-oan mak bele halo tohar.—Éx 12:46; Jo 19:31-33, 36.