Ita hafolin Maromak nia hahalok furak sira ka lae?

Bainhira Ita haree ai-funan kór oioin, lalehan nakonu ho fitun, ka bee-tudak, Ita hanoin kona-ba Ida neʼebé kria buat sira-neʼe ka lae? Kriasaun oioin neʼebé haleʼu ita hatudu sai Jeová nia hahalok furak sira. (Rom 1:20) Bainhira ita medita kona-ba kriasaun sira neʼebé ita-nia matan haree, ita bele haree Maromak nia hahalok furak hanesan kbiit, domin, matenek, justisa no laran-luak.​—Sal 104:24.

Jeová nia kriasaun saida deʼit mak Ita haree loroloron? Maski Ita hela iha sidade boot, karik Ita bele haree manu sira ka ai-hun sira. Hodi medita kona-ba Jeová nia kriasaun sira bele ajuda ita atu hamenus estrese, iha hanoin neʼebé loos kona-ba ita-nia problema, no aumenta liután ita-nia fiar ba Maromak nia kbiit atu tau matan ita. (Mt 6:25-32) Se Ita iha oan, ajuda sira atu hafolin Jeová nia hahalok furak sira. Bainhira ita hafolin kriasaun sira neʼebé haleʼu ita, ita sei hakbesik liután ba ita-nia Kriadór.​—Sal 8:3, 4.

HAREE VÍDEO KRIASAUN HATUDU SAI MAROMAK NIA GLÓRIA​—NAROMAN NO KÓR, NO DEPOIS HATÁN BA PERGUNTA SIRA TUIRMAI NEʼE:

• Tanbasá mak ita bele haree kór oioin?

• Tanbasá mak kór balu troka kuandu ita haree husi diresaun neʼebé la hanesan?

• Tanbasá mak ita bele haree kór oioin iha lalehan?

• Kór furak saida mak Ita haree husi kriasaun neʼebé besik Ita-nia uma?

• Tanbasá mak ita presiza buka tempu atu haree natureza?