Gasta tempu ho sira neʼebé hadomi Jeová

Tanbasá mak ita tenke gasta tempu ho sira neʼebé hadomi Jeová? Tanba ema neʼebé ita ransu bele book ita atu halo buat diʼak, ka buat aat. (Prv 13:20) Porezemplu, Liurai Jeoas “halo buat neʼebé loos tuir Jeová nia haree” tanba nia gasta tempu ho Amlulik Boot Jeoada. (2Kr 24:2) Maibé depois Jeoada mate tiha, Jeoas husik Jeová tanba ransu neʼebé aat.​—2Kr 24:17-19.

Iha ema Kristaun nia tempu, apóstolu Paulo kompara kongregasaun Kristaun ho “uma boot ida” no ema iha kongregasaun ho “sasán” uma laran nian. Ita bele sai “sasán neʼebé uza ba buat neʼebé diʼak” se ita la ransu ho ema neʼebé la halo kontente Jeová, maski neʼe mak ita-nia família ka ema iha kongregasaun. (2Ti 2:20, 21) Neʼe duni, mai ita kontinua halo belun ho sira neʼebé hadomi Jeová no neʼebé fó laran-manas mai ita atu serbí nia.

HAREE VÍDEO APRENDE ATU SEES HUSI RANSU NEʼEBÉ AAT, DEPOIS HATÁN BA PERGUNTA SIRA TUIRMAI NEʼE:

• Maski la ho neon, oinsá mak ransu neʼebé aat bele kona ita?

• Iha vídeo, saida mak ajuda ema Kristaun naʼin-tolu neʼe atu sees husi ransu neʼebé aat?

• Bíblia nia prinsípiu saida deʼit mak bele ajuda ita atu hili ransu ho matenek?