Ita bele fó Ita-nia tempu no forsa ka lae?

Hanesan Isaias nia profesia, Jeová nia organizasaun parte rai nian kontinua buras liután toʼo agora. (Isa 54:2) Tan neʼe ita presiza tan Reuniaun-Fatin foun, fatin ba reuniaun boot, no sukursál sira. Depois harii tiha fatin sira-neʼe, presiza nafatin atu halo manutensaun, no ikusmai balu presiza atu halo fali renovasaun. Situasaun sira-neʼe fó oportunidade saida mai ita atu fó ita-nia tempu no forsa ba Jeová?

• Ita bele apoia ita-nia grupu hodi hamoos Reuniaun-Fatin tuir oráriu neʼebé iha

• Ita bele simu treinu atu tau matan ba ita-nia Reuniaun-Fatin

• Ita bele prenxe aplikasaun kona-ba konstrusaun (DC-50) atu ajuda ho projetu konstrusaun no manutensaun neʼebé besik ita-nia hela-fatin

• Ita bele prenxe Aplikasaun atu serbí iha Betel nuʼudar voluntáriu temporáriu (A-19) no ajuda semana ida ka liu iha Betel, ka iha sukursál seluk

HAREE VÍDEO PLANU BA PROJETU KONSTRUSAUN​—VÍDEO BADAK, DEPOIS HATÁN BA PERGUNTA SIRA TUIRMAI NEʼE:

• Esplika toʼok, oinsá mak agora ita uza vídeo barak liu fali tempu uluk?

• Atu bele prodús vídeo barak liután, projetu saida mak agora daudaun planu hela, no bainhira mak projetu neʼe hahú no remata?

• Oinsá mak serbisu-naʼin voluntáriu sira bele ajuda?

• Se ita hanoin atu ajuda ho konstrusaun iha Ramapo, tanbasá ita tenke prenxe aplikasaun (DC-50) no tuir konstrusaun lokál neʼebé besik ita-nia hela-fatin?

• Evidénsia saida mak hatudu katak Jeová mak dirije projetu neʼe?

• Oinsá mak ita bele apoia projetu neʼe maski karik ita rasik labele bá ajuda?