Kampaña espesiál atu haklaken kona-ba Maromak nia Ukun

Jesus haklaken “liafuan diʼak kona-ba Maromak nia Ukun”. (Lc 4:43) Nia mós hanorin ita atu halo orasaun kona-ba Ukun neʼe. (Mt 6:9, 10) Durante fulan-Novembru, ita sei halaʼo kampaña espesiál atu haklaken kona-ba Maromak nia Ukun. (Mt 24:14) Arranju didiʼak ita-nia oráriu atu bele hola parte iha kampaña espesiál neʼe. Sira neʼebé serbí nuʼudar pioneiru estra bele hatama oras 30 ka 50 iha fulan ida nia laran.

Hakaʼas an atu fahe eskritura neʼebé koʼalia kona-ba Maromak nia Ukun ba ema barak neʼebé hela iha Ita-nia área. Bainhira hili eskritura ida, hanoin didiʼak kona-ba rona-naʼin nia fiar mak saida. Se ema ruma hatudu interese bainhira hasoru dala primeiru, bele fó Livru Haklaken No. 2 2020 edisaun públiku nian. Labele demora atu vizita fali nia, no koko atu hahú estuda Bíblia hodi uza publikasaun husi Ekipamentu Hanorin nian. Hela tempu uitoan tan antes Maromak nia Ukun halakon ema nia governu hotu. (Dan 2:44; 1Ko 15:24, 25) Tan neʼe, halo buat hotu neʼebé ita bele atu hola parte iha oportunidade espesiál neʼe atu hatudu ita-nia laran-metin ba Jeová no ninia Ukun!