Ita hatudu domin hodi apoia Jeová nia dixiplina

Hasai ema ida husi kongregasaun bele proteje kongregasaun no neʼe hanesan dixiplina ba ema neʼebé la arrepende ninia sala. (1Ko 5:6, 11) Bainhira ita apoia Jeová nia dixiplina, neʼe katak ita hatudu domin. Oinsá mak ita bele dehan nuneʼe, se dixiplina bele hakanek família seluk nia laran, inklui grupu tesi-lia nian?

Tuir loloos, ita hatudu katak ita apoia Jeová nia reputasaun no ninia morál neʼebé santu. (1Pe 1:14-16) Ita mós hatudu domin ba ema neʼebé kongregasaun hasai. Dixiplina neʼebé makaʼas bele halo laran-kanek, maibé ikusmai bele lori “kolen dame nian, neʼe katak moris ho hahalok loos”. (Ebr 12:5, 6, 11) Ita la apoia Jeová nia dixiplina se ita ransu ho ema neʼebé kongregasaun hasai ona, ka ema neʼebé deside rasik atu sai husi Jeová nia organizasaun. Hanoin-hetan, Jeová fó ba ninia povu dixiplina “neʼebé natoon”. (Jer 30:11) Ita hakarak tebes ema neʼebé kongregasaun hasai ona atu fila fali ba ita-nia Aman neʼebé laran-sadiʼa. Maibé iha tempu neʼebé hanesan, ita tenke apoia Jeová nia dixiplina no halaʼo beibeik buat espirituál nian.​—Isa 1:16-18; 55:7.

HAREE VÍDEO DRAMA LARAN-METIN NAFATIN HO LARAN TOMAK, DEPOIS HATÁN BA PERGUNTA SIRA TUIRMAI NEʼE:

• 

  Susar saida mak inan-aman sente bainhira oan ida husik tiha Jeová?

• 

  Oinsá mak kongregasaun bele apoia nafatin membru família neʼebé laran-metin?

• 

  Istória saida husi Bíblia mak hanorin ita kona-ba importante liu atu laran-metin ba Jeová duké ba família?

• 

  Oinsá mak ita hatudu katak ita laran-metin liu ba Jeová duké ba família?