Proteje Ita-nia moris kaben

Juramentu kaben nian mak importante tebes ba Jeová. Nia hakarak feen no laʼen atu hamutuk ba nafatin. (Mt 19:5, 6) Maski iha irmaun-irmán barak kontente tebes iha sira-nia moris kaben nian, maibé problema sei mosu nafatin tanba ema hotu la perfeitu. Ita labele halo tuir ema seluk nia hanoin katak haketak malu no soe malu mak solusaun bainhira feen-laʼen hasoru problema. Oinsá mak feen-laʼen Kristaun sira proteje sira-nia moris kaben nian?

Hanoin kona-ba hakat importante lima.

1. Proteje Ita-nia laran hodi la hatudu oin-moris ba ema seluk, no hasees an husi programa no múzika neʼebé la morál tanba neʼe halo fraku deʼit moris kaben nian.—Mt 5:28; 2Pe 2:14.

2. Hametin Ita-nia relasaun ho Maromak no haburas liután Ita-nia hakarak atu halo nia kontente iha Ita-nia moris kaben nian.—Sal 97:10.

3. Kontinua tau hahalok foun, no ajuda Ita-nia pár ho laran-diʼak.—Kol 3:8-10, 12-14.

4. Koʼalia nakloke ba malu no ho respeitu.—Kol 4:6.

5. Fó direitu kaben nian ho domin.—1Ko 7:3, 4; 10:24.

Bainhira ita respeitu moris kaben nian, neʼe katak ita hatudu respeitu ba Jeová, Ida neʼebé hahú arranju moris kaben nian.

HAREE VÍDEO ITA TENKE “HALAI TOʼO ROHAN”—HALO TUIR REGRA IHA ITA-NIA HALAI-TARU, DEPOIS HATÁN BA PERGUNTA TUIRMAI:

• 

  Maski moris kaben nian bele hahú ho diʼak, maibé dezafiu saida deʼit mak bele mosu?

• 

  Oinsá mak Bíblia nia prinsípiu sira bele ajuda ema neʼebé sente la iha domin iha sira-nia moris kaben nian?

• 

  Regra saida deʼit mak Jeová halo ba moris kaben nian?

• Atu moris kaben nian bele susesu, saida mak feen-laʼen tenke halo?