Lisaun husi Samuel nia moris

Samuel kontinua laran-metin ba Jeová iha ninia moris tomak. Bainhira nia sei labarik, nia lakohi halo tuir Eli nia oan Hofni no Fineias nia hahalok aat. (1Sa 2:22-26) Nuʼudar Samuel sai boot, Jeová sempre hamutuk ho nia. (1Sa 3:19) No bainhira nia sai katuas ona, nia kontinua laʼo tuir Jeová nia dalan maski ninia oan-mane sira la halo hanesan neʼe.—1Sa 8:1-5.

Samuel nia ezemplu neʼe hanorin saida mai ita? Se Ita mak joven, fiar metin bá katak Jeová komprende susar oioin neʼebé Ita hasoru no oinsá mak Ita sente. Jeová bele ajuda Ita sai aten-brani. (Isa 41:10, 13) Se Ita mak inan ka aman, no Ita-nia oan lakohi serbí Jeová, Ita bele sente kmaan hodi hatene katak Samuel mós labele obriga ninia oan sira neʼebé boot ona atu halo tuir Jeová nia hakarak. Samuel entrega problema neʼe iha Jeová nia liman, no nia rasik kontinua laran-metin no halo kontente ninia Aman Jeová. Karik Ita-nia ezemplu diʼak sei book Ita-nia oan atu fila fali ba Jeová.

HAREE VÍDEO APRENDE HUSI SIRA—SAMUEL, DEPOIS HATÁN BA PERGUNTA TUIRMAI:

• 

  Oinsá mak Samuel hatudu aten-brani bainhira nia sei labarik?

• 

  Oinsá mak Dani hatudu aten-brani?

• 

  Oinsá mak Samuel hatudu ezemplu diʼak bainhira nia idade ona?

• 

  Oinsá mak Dani nia inan-aman hatudu ezemplu diʼak?