MORIS NUʼUDAR EMA KRISTAUN
Buka-hatene Maromak nia hanoin
Ita hakarak halo Jeová kontente ho buat hotu neʼebé ita halo. (Prv 27:11) Atu halo ida-neʼe, ita presiza foti desizaun tuir Maromak nia hanoin maski la iha lei ka mandamentu neʼebé klaru kona-ba situasaun neʼe. Saida mak bele ajuda ita?
Iha toman atu estuda Bíblia beibeik. Kuandu ita lee Bíblia, neʼe hanesan ita gasta tempu hamutuk ho Jeová. Ita bele aprende Jeová nia hanoin hodi imajina oinsá mak nia trata ema no hodi estuda ezemplu husi ema neʼebé halo buat neʼebé diʼak ka la diʼak tuir Jeová nia haree. Kuandu ita presiza halo desizaun, espíritu santu bele ajuda ita atu hanoin-hetan lisaun importante no prinsípiu sira neʼebé ita aprende ona husi Maromak nia Liafuan.—Jo 14:26.
Halo peskiza. Kuandu Ita tenke halo desizaun ruma, husu Ita-nia an, ‘Eskritura ka istória saida husi Bíblia mak bele ajuda haʼu atu komprende Jeová nia hanoin kona-ba neʼe?’ Halo orasaun hodi husu Jeová nia ajuda, no uza ekipamentu oioin iha Ita-nia língua atu buka no aplika Bíblia nia prinsípiu sira neʼebé kona duni Ita-nia situasaun.—Sal 25:4.
HAREE VÍDEO ITA TENKE “HALAI TOʼO ROHAN”—HAN HAHÁN NEʼEBÉ DIʼAK, DEPOIS HATÁN BA PERGUNTA TUIRMAI:
Susar saida deʼit mak irmán joven iha vídeo neʼe hasoru?
Oinsá mak Ita bele uza ekipamentu oioin hodi buka informasaun neʼebé ajuda ita tahan susar hanesan neʼe?
Kuandu ita fahe tempu atu halo peskiza no estuda mesak atu bele halo desizaun diʼak, neʼe lori benefísiu saida?—Ebr 5:13, 14