Ita bele haburas ksolok iha família laran

Jeová hakarak família sira atu sente kontente. (Sal 127:3-5; Ecl 9:9; 11:9) Maibé, ita bele lakon haksolok tanba moris iha mundu neʼe lori estrese no membru iha família laran mós halo sala. Entaun, saida mak ita ida-idak bele halo atu haburas ksolok iha família laran?

Laʼen hatudu respeitu ba ninia feen. (1Pe 3:7) Nia gasta tempu hamutuk ho feen. Nia la ezije ninia feen atu halo buat neʼebé liu fali feen nia kbiit, no hatudu agradese ba buat neʼebé feen halo ba nia no família. (Kol 3:15) Nia hatudu sai ninia domin no gaba ninia feen.—Prv 31:28, 31.

Feen buka dalan oioin atu apoia ninia laʼen. (Prv 31:12) Nia hakruʼuk ba ninia laʼen no serbisu hamutuk. (Kol 3:18) Nia koʼalia ho laran-diʼak ba ninia laʼen no mós kuandu koʼalia kona-ba ninia laʼen.—Prv 31:26.

Inan-aman uza sira-nia tempu hamutuk ho sira-nia oan. (Deu 6:6, 7) Sira fó-hatene sira-nia oan katak sira hadomi oan. (Mt 3:17) Sira hatudu domin no matenek kuandu fó dixiplina ba oan.—Éf 6:4.

Oan sira hakruʼuk no halo tuir sira-nia inan-aman. (Prv 23:22) Sira fó sai sira-nia hanoin no sentimentu ba sira-nia inan-aman. Sira simu dixiplina husi inan-aman no hatudu respeitu.—Prv 19:20.

HAREE VÍDEO DRAMA HABURAS KSOLOK IHA FAMÍLIA LARAN, DEPOIS HATÁN BA PERGUNTA TUIRMAI:

• Saida deʼit mak ema ida-idak iha vídeo neʼe halo atu haburas ksolok iha família laran?