Maromak rona Ita-nia orasaun ka lae?

SAIDA MAK BÍBLIA HATETE?

• Maromak rona duni. Bíblia dehan: “Jeová besik ba ema hotu neʼebé bolu nia, ba sira hotu neʼebé bolu nia tuir lia-loos. . . . Nia rona sira-nia halerik atu husu ajuda.”​—Salmo 145:18, 19.

• Maromak hakarak Ita atu halo orasaun ba nia. Bíblia konvida ita: “Iha situasaun hotu husu ajuda husi Maromak liuhusi orasaun no harohan no mós fó agradese.”​—Filipe 4:6.

• Maromak hanoin tebes Ita. Maromak hatene ita-nia susar hotu no buat neʼebé halo ita hanoin barak, no nia hakarak ajuda ita. Bíblia dehan: “Entrega imi-nia laran-susar hotu ba nia, tanba nia hanoin imi.”​—1 Pedro 5:7.