Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • w22 Marsu p. 13
  • Pergunta husi lee-naʼin

La iha video neʼebé bele loke.

Deskulpa, la bele loke vídeo.

  • Pergunta husi lee-naʼin
  • Livru Haklaken fó sai Maromak Jeová nia Ukun (Estudu)—2022
  • Informasaun seluk neʼebé hanesan
  • Ó sente an mesak ka lae?
    Livru Haklaken fó sai Maromak Jeová nia Ukun—2011
  • Jonatan aten-brani no laran-metin
    Aprende husi Istória iha Bíblia
  • “Belun diʼak neʼebé laran-metin ba malu”
    Banati-tuir sira-nia fiar
  • “Halo tuir diʼak liu fali sakrifísiu”
    Livru Haklaken fó sai Maromak Jeová nia Ukun—2011
Haree barak liután
Livru Haklaken fó sai Maromak Jeová nia Ukun (Estudu)—2022
w22 Marsu p. 13

Pergunta husi lee-naʼin

Tanbasá 2 Samuel 21:7-9 hatete katak David “hanoin Jonatan nia oan-mane Mefiboset”, maibé tuirmai nia husik ema Gibeão fó kastigu-mate ba Mefiboset?

Ema balu neʼebé lee liu deʼit istória neʼe karik husu pergunta hanesan neʼe. Maibé iha ema naʼin-rua neʼebé naran Mefiboset, no ita bele aprende buat ruma husi sira-nia istória.

Liurai Saul husi Izraél iha oan-mane naʼin-hitu no oan-feto naʼin-rua. Saul nia oan-mane primeiru mak Jonatan. Saul no ninia feen-kiʼik naran Rizpa iha oan-mane ida naran Mefiboset. Jonatan mós iha oan-mane ida naran Mefiboset. Neʼe katak Liurai Saul iha oan-mane naran Mefiboset no mós bei-oan naran Mefiboset.

Liurai Saul odi ema Gibeão no koko atu oho ema Gibeão hotu. Tuir loloos, ema Gibeão barak mak mate. Klaru katak neʼe sala. Tanbasá? Tanba iha Josué nia tempu, ema Izraél nia xefe sira halo aliansa dame nian ho ema Gibeão.​—Jos 9:3-27.

Aliansa neʼe sei vale iha Liurai Saul nia tempu. Liurai Saul kontra aliansa neʼe no koko atu halakon ema Gibeão hotu. Rezultadu mak “Saul no ninia umakain hetan sala kona-ba raan”. (2 Sam 21:1) Ikusmai David mak sai liurai. Ema Gibeão neʼebé sei moris hela, koʼalia ba David kona-ba buat neʼebé Liurai Saul halo. David husu sira kona-ba dalan atu hamoos sala neʼe hodi Jeová bele haraik bensaun ba rai neʼe. Duké husu osan, ema Gibeão husu David atu entrega Saul nia oan-mane naʼin-hitu neʼebé envolve iha planu atu halakon ema Gibeão, atu nuneʼe ema Gibeão bele fó kastigu-mate ba sira. (Núm 35:30, 31) David halo tuir buat neʼebé sira husu.​—2 Sam 21:2-6.

Iha tempu neʼe, Saul no ninia oan-mane Jonatan mate ona iha funu, maibé Jonatan nia oan-mane Mefiboset sei moris hela. Bainhira kiʼik Mefiboset hetan asidente no nia sai ain-kudeʼik, no nia la hola parte atu ataka ema Gibeão. David halo ona aliansa ho Jonatan, no aliansa neʼe lori benefísiu ba Jonatan nia jerasaun, inklui Jonatan nia oan-mane Mefiboset. (1 Sam 18:1; 20:42) Bíblia hatete: “Liurai [David] hanoin Jonatan nia oan-mane Mefiboset, Saul nia bei-oan, tanba David halo ona juramentu ho Saul nia oan-mane Jonatan iha Jeová nia oin.”​—2 Sam 21:7.

Maski nuneʼe, David halo tuir buat neʼebé ema Gibeão husu. David entrega Saul nia oan-mane naʼin-rua, ida naran Mefiboset, no mós Saul nia bei-oan naʼin-lima ba ema Gibeão. (2 Sam 21:8, 9) Buat neʼebé David halo, hamoos sala kona-ba ema nia raan.

Neʼe laʼós deʼit istória. Maromak nia ukun-fuan klaru. Ukun-fuan dehan: “Oan ida labele mate tanba sala neʼebé ninia aman halo.” (Deut 24:16) Se Saul nia oan-mane naʼin-rua no ninia bei-oan naʼin-lima la halo sala, klaru katak Jeová sei la kontente ho buat neʼebé David halo. Ukun-fuan hatutan tan: “Ema ida tenke mate tanba ninia sala rasik.” Ita bele fiar katak Saul nia oan no bei-oan neʼebé mate, hola parte iha dalan balu atu halakon ema Gibeão hotu hodi tuir Saul nia planu. Tan neʼe sira naʼin-hitu tenke hetan kastigu tanba sira-nia sala.

Istória neʼe hanorin ita katak ema labele hasees an husi rezultadu husi sira-nia sala tanba hanoin ka hatete katak sira halo tuir deʼit ema seluk nia hakarak. Eskritura ida hatete: “Halo tetuk dalan ba ó-nia ain, no ó-nia hakat hotu sei metin.”​—Prov 4:24-27; Éf 5:15.

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe