Sira hetan ona “pérola ida neʼebé folin-boot”

Jesus hanorin katak Maromak nia Ukun sei halakon ema nia problema hotu. (Mateus 6:10) Iha Mateus 13:44-46, Jesus temi ai-knanoik rua atu esplika katak lia-loos kona-ba Maromak nia Ukun mak folin-boot:

• Mane ida serbisu hela iha toʼos no derrepente deʼit nia hetan rikusoin neʼebé subar iha toʼos.

• Negósiu-naʼin ida neʼebé buka pérola neʼebé diʼak no hetan tiha pérola ida neʼebé folin-boot.

Mane naʼin-rua neʼe ho laran-kontente faʼan buat hotu neʼebé sira iha atu bele sosa rikusoin neʼebé sira foin hetan. Mane rua neʼe reprezenta ema sira neʼebé hafolin tebes Maromak nia Ukun toʼo halo sakrifísiu oioin hodi bele hetan bensaun husi Ukun neʼe. (Lucas 18:29, 30) Iha vídeo neʼe, haree esperiénsia husi ema naʼin-rua neʼebé atu hanesan ho mane sira husi Jesus nia ai-knanoik.