Saida mak Bíblia hatete kona-ba relijiaun no funu iha rai-Ukránia?

Haree toʼok relatóriu balu kona-ba ulun-naʼin relijiaun sira no funu iha rai-Ukránia:

• “Ulun-naʼin ba Igreja Ortodoksu Rúsia, Patriarka Cirilo la koʼalia liafuan aat ruma hodi kontra Rúsia nia ataka ba Ukránia . . . Ninia Igreja halo kampaña atu habelar propaganda no lia-bosok kona-ba Ukránia, hodi apoia Prezidente Putin atu halo funu iha rai-Ukránia.”—Observador da União Europeia, 7 Marsu 2022.

• “Patriarka Cirilo . . . fó sai liafuan makaʼas neʼebé hatudu katak nia apoia invazaun ba Ukránia. Nia kompara konflitu hasoru Ukránia hanesan luta hasoru buat neʼebé sala.”—Associated Press News, 8 Marsu 2022.

• “Ulun-naʼin ba Igreja Ortodoksu Ukránia, Metropolita Epifánio I husi sidade Kyiv fó bensaun ba povu iha loron-segunda atu ‘halo funu hasoru tropa Rúsia neʼebé halo invazaun’ . . . [Nia] mós hatete katak la sala atu oho soldadu Rúsia.”—Jerusalem Post, 16 Marsu 2022.

• “Ami [Conselho Ucraniano de Igrejas e Organizações Religiosas (UCCRO)] apoia Ukránia nia tropa sira no ema hotu neʼebé luta hodi defende rai neʼe, ami fó bensaun ba sira neʼebé defende Ukránia husi ema neʼebé kontra ami no ami halo orasaun kona-ba sira.”—UCCROa nia liafuan, 24 Fevereiru 2022.

Ita hanoin oinsá? Sala ka lae se relijiaun sira neʼebé bolu sira-nia an nuʼudar Jesus Kristu nia dixípulu anima sira-nia membru atu bá halo funu? Saida mak Bíblia hanorin?

Oinsá relijiaun mete ona iha funu

Ema nia istória hatudu katak relijiaun sira apoia, konkorda ka promove beibeik funu no iha tempu hanesan sira finje katak sira mós promove dame. Durante tinan barak, Testemuña ba Jeová hatudu sai katak relijiaun sira-neʼe mak laran-makerek. Tuirmai mak ezemplu balu neʼebé fó sai iha ami-nia publikasaun sira.

• “Perang Salib—’Ilusi yang Tragis’” hatudu oinsá Igreja Katólika Roma lori Maromak no Kristu nia naran atu halo masakre barak.

• “Gereja Katolik di Afrika” fó sai ezemplu ida kona-ba oinsá relijiaun la konsege hapara funu entre suku sira no ema barak mak mate.

• Informasaun ho títulu “Apakah Agama Dalangnya?”, “Peran Agama dalam Peperangan Manusia” no “Agama Berpihak” esplika oinsá ulun-naʼin sira husi relijiaun Katólika, Ortodoksu no Protestante apoia tropa sira neʼebé atu bá halo funu.

Ema Kristaun bele apoia funu ka lae?

Buat neʼebé Jesus hanorin: “Imi tenke hadomi imi-nia maluk hanesan imi-nia an rasik.” (Mateus 22:39) “Hadomi nafatin imi-nia inimigu.”—Mateus 5:44-47.

Buat neʼebé Jesus hanorin: “Haʼu-nia Ukun laʼós parte husi mundu neʼe. Se haʼu-nia Ukun mak parte husi mundu neʼe, haʼu-nia atan sira sei halo funu.” (João 18:36) “Ema hotu neʼebé kaer surik sei mate ho surik.”—Mateus 26:47-52.

Hanoin toʼok: Se Jesus deʼit la haruka ema Kristaun atu luta hodi proteje nia, nia sei haruka ema Kristaun atu kaer armas tanba razaun seluk ka lae? Lee informasaun ho títulu “Apakah Perang Sejalan dengan Kekristenan?” atu haree oinsá ema Kristaun iha apóstolu sira-nia tempu halo tuir Jesus nia ezemplu no hanorin.

Saida mak sei akontese ba relijiaun sira neʼebé promove funu?

Bíblia hanorin katak Maromak la simu relijiaun sira neʼebé dehan katak sira reprezenta Jesus maibé la halo tuir ninia hanorin.—Mateus 7:21-23; Tito 1:16.

• Livru Apokalipse hatudu katak relijiaun sira hanesan neʼe tenke hatán ba Maromak kona-ba “sira hotu neʼebé ema oho tiha iha mundu”. (Apokalipse 18:21, 24) Atu aprende tanbasá, lee informasaun ho títulu: “Saida mak Babilónia Boot?”

• Jesus fó sai katak relijiaun hotu neʼebé Maromak la simu sei lakon tanba sira-nia hahalok aat, hanesan ai-hun dodok neʼebé fó fuan aat “sei tesi tiha no soe ba ahi”. (Mateus 7:15-20) Lee informasaun ho títulu “Relijiaun falsu nia rohan besik ona!” atu aprende oinsá neʼe sei akontese.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images