Hetan esperansa iha 2024​—Saida mak Bíblia dehan?

Ema barak hanoin katak la iha solusaun ba problema oioin neʼebé sei fó impaktu ba situasaun iha mundu durante 2024. Maski nuneʼe, ita bele hetan esperansa ba futuru. Iha neʼebé mak ita bele hetan?

Bíblia fó esperansa

Bíblia promete katak Maromak sei rezolve problema sira neʼebé halo ema lakon esperansa. Lakleur tan, Maromak ‘sei hamaran ita-nia matan-been hotu husi ita-nia matan, mate sei la iha tan, no ema sei la triste tan ka tanis ka sente moras’.​—Apokalipse 21:4.

• Atu aprende liután Bíblia nia promesa kona-ba futuru, lee informasaun “Esperansa kapás iha futuru”.

Oinsá mak Bíblia bele ajuda ita ohin loron

Bíblia fó esperansa kona-ba futuru neʼebé bele ajuda Ita atu kontra hasoru sentimentu negativu no haburas hanoin neʼebé pozitivu. (Roma 15:13) Bíblia mós fó matadalan sira neʼebé bele ajuda Ita atu hasoru problema sira hanesan moris kiak, situasaun la justisa, no moras.

• Buka-hatene oinsá esperansa husi Bíblia ajuda mane ida hetan dame no kontente maski nia moris iha kiak laran. Haree vídeo Juan Pablo Zermeño: Jeová fó haʼu moris neʼebé iha objetivu.

• Buka-hatene oinsá Bíblia bele ajuda Ita tahan hasoru sentimentu triste, laran-susar, fó-sala Ita-nia an, no lakon ema neʼebé Ita hadomi. Lee informasaun “Haʼu bele hetan kmaan husi Bíblia nia liafuan ka lae?”

• Haree oinsá feto ida neʼebé uluk sai militár no bolu ninia an nuʼudar ema “siʼak-teen neʼebé la hanoin ema seluk” hetan esperansa tanba buat neʼebé nia aprende husi Bíblia. Haree vídeo Saya Membuang Senjata Saya.

Halo tinan 2024 sai tinan neʼebé diʼak ba Ita no Ita-nia família. Aprende liután kona-ba oinsá Bíblia bele ajuda Ita. Koko toʼok kursu Bíblia interativu neʼebé gratuitu. Buka-hatene oinsá Maromak bele fó Ita “dame” ohin loron no mós “futuru kapás no esperansa”.​—Jeremias 29:11.