Jesus sei halakon kiak

Bainhira Jesus iha rai, nia hatudu domin boot ba ema, liuliu ba sira neʼebé kiak no iha susar laran. (Mateus 9:36) Nia mós fó ninia moris nuʼudar sakrifísiu atu ema seluk hetan benefísiu. (Mateus 20:28; João 15:13) Lakleur tan, Jesus sei hatudu ninia domin ba ema hodi uza ninia kbiit nuʼudar Liurai ba Maromak nia Ukun atu halakon kiak iha mundu tomak.

Bíblia fó sai buat neʼebé Jesus sei halo ho liafuan neʼebé furak:

• “Haʼu harohan katak nia sei defende ema kiʼik sira iha povu nia leet, no salva ema kiak nia oan sira.”—Salmo 72:4.

Oinsá ita bele hatudu agradese ba buat neʼebé Jesus halo ona no lakleur tan sei halo ba ita? Dalan ida mak atu aprende liután “liafuan diʼak kona-ba Maromak nia Ukun”, neʼe mak mensajen neʼebé uluk Jesus haklaken. (Lucas 4:43) Atu hatene liután, lee informasaun “Saida mak Maromak nia Ukun?”