Testemuña ba Jeová fiar katak sira-nia relijiaun deʼit mak loos ka lae?

Ema neʼebé laran-metin ba sira-nia relijiaun fiar duni katak Maromak no Jesus kontente ho sira-nia relijiaun. Se sira la fiar hanesan neʼe karik, tansá mak sira tenke envolve an iha relijiaun neʼe?

Jesus la konkorda ho ema barak nia hanoin katak iha relijiaun barak ka dalan barak neʼebé lori ema ba salvasaun. Maibé nia dehan: “Odamatan kloot no dalan kiʼik tebes mak lori ema ba moris no ema uitoan deʼit mak hetan nia.” (Mateus 7:14) Testemuña ba Jeová fiar duni katak sira hetan ona dalan neʼe. Se sira la fiar hanesan neʼe karik, sira buka ona relijiaun seluk.