Testemuña ba Jeová hatudu respeitu ba relijiaun seluk ka lae?

Ami halo tuir Bíblia nia konsellu atu hatudu respeitu ba ema hotu, maski sira-nia fiar la hanesan ho ami-nian. (1 Pedro 2:17) Porezemplu, iha rai balu iha Testemuña ba Jeová barak tebetebes, maibé ami nunka hanehan grupu relijiaun sira seluk, no mós nunka husu polítiku-naʼin sira atu hapara ka bandu relijiaun sira seluk nia atividade. Ami mós la halo manifestasaun ka kampaña hodi husu governu atu halo lei ruma neʼebé obriga ema seluk tenke tuir ami-nia fiar ka ami-nia morál. Maibé ami hatudu respeitu ba ema seluk nia fiar no atividade sira, hanesan ami mós hakarak ema seluk atu hatudu respeitu ba ami-nia fiar.—Mateus 7:12.