Maromak mak Trindade ka lae?

Bíblia nia resposta

Relijiaun Kristaun barak hanorin katak Maromak mak Trindade. Maibé haree toʼok buat neʼebé livru The Encyclopædia Britannica hatete: “Iha Testamentu Foun, ita la hetan liafuan Trindade, no la iha mós liafuan ruma neʼebé apoia ho klaru doutrina neʼe . . . Doutrina neʼe sai metin neineik-neineik iha tinan atus ba atus nia laran, ho ideia barak neʼebé kontra malu.”

Tuir loloos, iha Bíblia laran nunka dehan katak Maromak mak parte husi Trindade. Haree toʼok eskritura sira tuirmai neʼe:

“Jeová ita-nia Maromak mak Jeová mesak ida deʼit.”—Deuteronómio 6:4.

“Ita neʼebé naran Jeová, Ita mesak deʼit mak Maromak neʼebé Aas Liu Hotu iha mundu tomak.”—Salmo 83:18.

“Neʼe mak moris rohan-laek: Katak sira hatene didiʼak kona-ba Ita, Maromak loos mesak deʼit, no mós Jesus Kristu neʼebé Ita haruka mai.”—João 17:3.

“Ba ita, iha Maromak loos ida deʼit.”—1 Korinto 8:6.

Tanbasá mak relijiaun Kristaun barak hatete katak Maromak mak Trindade?