Maromak hela iha neʼebé?

Bíblia nia resposta

Maromak hela iha lalehan. Haree toʼok eskritura tolu husi Bíblia.

Liurai Salomão halo orasaun ba Maromak hodi dehan: “Favór ida rona husi Ita-nia hela-fatin iha lalehan”.—1 Reis 8:43.

Jesus Kristu hanorin ninia dixípulu sira atu halo orasaun ba “Aman iha lalehan”.—Mateus 6:9.

Depois Jesus moris hiʼas, nia tama “ba lalehan, nuneʼe agora nia iha Maromak nia oin”.—Ebreu 9:24.

Eskritura sira-neʼe hatudu ho klaru katak Maromak Jeová hela iha lalehan, laʼós iha fatin hotu-hotu.